Панчево, 15 октовмри (МИА) - Македонците во Србија исто како и Србите во Македонија се лојални граѓани на своите држави, а во истовреме имаат желба и определба да го сочуваат својот национален и културен идентитет, оценија македонскиот и српскиот претседател Бранко Црвенковски и Борис Тадиќ денека во Панчево на одбележувањето на 60 годишнината од доселувањето на Македонците во Војводина.

- Грижата за положбата и правата на припадниците на нашите народи во соседните земји, помагањето на нивниот културен развој и унапредувањето на врските со нив се и наши со устави пропишани обврски, истакна Црвенковски.

Тој додаде дека билатералната Спогодба за заштита на македонското национално малцинство во Србија и на српското национално малцинство во Македонија склучена во 2004 година креира правна рамка за целосно изразување, зачувување и развивање на етничкиот, културниот, јазичниот и верскиот идентитет.

Тадиќ рече дека како претседател на Србија ја цени лојалноста на Македонците државјани на Србија, додавајќи дека секогаш ќе инсистира малцинските права да бидат подигнати на највисоко ниво. Тој ја поздрави иницијативата поднесена од градоначалникот на Панчево за воведување двојазичност во месноста Јабука, Војводина.

Одговорајќи на новинарско прашање во врска со финалниот статус на Косово, Црвенковски го повтори ставот дека Македонија ќе го поддржи секое решение што е прифатливо за двете страни. - Ќе го поддржиме и поздравиме секое решение што ќе произлезе од двете страни доколку не го повредува територијалниот интегритет на Македонија. И покрај тоа што сме земја во регионот која е непосреден сосед, имаме лимитирано влијание на овие разговори, рече Црвенковски.

Македонија, додаде шефот на државата, не е ниту дел од проблемот, ниту дел од решението што се однесува на финалниот статус на Косово.

Српскиот претседател истакна дека какво било поедноставување на овој случај кое би одело во правец на т.н. условна незавосност би донела стабилност само за една нација во регионот, а дестабилизација за другите нации

Съдържаниет е скрито
Влезте за да го видите