Шест вида штетници го нападнаа моликовиот бор на Баба

Стрижибуби ја уништуваат моликата на Пелистер

БИТОЛА - Неколку стотини стебла од моликов бор во подрачјето на Националнаиот парк "Пелистер" ќе мора итно да бидат исечени и уништени како превентива за да не се ризикува ништо со судбината и на целиот национален парк. Компетентните институции констатираа дека заболентие стебла се сушат поради наезда од повеќе видови инсекти и габи кои не ги напаѓаат само физиолошки истрошените дрвја, туку лесно може да се префрлат и врз помладата шума.

?Кај заболените моликови дрвја идентификувавме дури шест вида инсекти што му припаѓаат на родот ИПС и три вида стрижибуби од родот монохамос. Тоа се мошне опасни штетници кои може да загрозат и многу поширок простор со здрава шума и затоа препорачавме заболените дрвја веднаш да се исечат и да се отстранат од подрачјето на Националниот парк. Потоа, неопходно ќе биде овој дел од планината перманентно да се следи и контролира во текот на наредните 4-5 години?, вели проф д-р Благој Иванов од Катедрата за заштита на шуми и дрво на Шумарскиот факултет во Скопје

Констатациите и препораките што доааѓат од страна на луѓе со богато научно искуство во заштитата на шумскиот фонд во Управата на Националниот парк "Пелистер" во Битола се примаат како најсериозно предупредување и на никого не му паѓа на памет да ги игнорира. Едноставно, мора да се елиминира веќе болниот шумски фонд за да се спаси здравиот, иако тоа ќе биде уште една голема загуба за Националниот парк, по онаа од последната зима, кога големиот снег на Баба Планина собори и уништи, исто така, повеќе стотини моликови стебла.

Съдържаниет е скрито
Влезте за да го видите