|
|
| Тема |
 Денот на независноста - освојување на Голем Кораб |
|
| Автор | Cинeвa (Нерегистриран) | |
| Публикувано | 09.09.05 11:04 |
|
|
|
Денот на независноста - причина за освојување на Голем Кораб
Нада Маџовска
08.09.2005
Највисокиот планински врв во Македонија, Голем Кораб, во неделата се обидоа да го освојат над илјада луѓе. Причина за ваквиот потфат беше 8-ми Септември - Денот на независноста. Врвот ретко кој може да го освои. Од учесниците, кои ги имаше и од странство, само стотина го имаа тоа задоволство.
„Кога сум во природа и се чувствувам како да сум дел од природата“, изјави планинар.
„Малку е превисоко. Јас успеав само до еден превој, каде што има прекрасен поглед - за мене тоа е доволно за оваа година“, рече планинарка од Хрватска.
Патот до Голем Кораб, висок 2.764 метри, стартува од караулата Стрезимир на македонско-косовската граница. До врвот има околу 30-тина километри пешачење низ недопрена природа. На безбедноста на планинарите внимаваше граничната полиција.
„Тука е една од најубавите, најдлабоките и недопрените реки во Македонија. Тука исто така се наоѓа највисокиот водопад во Македонија - 138 метри височина“, вели Љубиша Котевски, претседател на ПД „Кораб“.
На безбедноста на планинарите внимаваше граничната полиција. Оние кои не го искачија врвот, го искористија времето да наберат лековити билки, кои овде ги има во изобилство.
„Набравме диво нане, за чајче и за грваче“, вели жена планинар.
Во регионот под Кораб, Горна Река, некогаш беше преполно со живот. На околните падини пасеа илјадници овци. Од нив живееја цели семејства во 15 села. Денес има само неколку стада, а со овчарство се занимаваат оние кои мораат.
„Кога нема подобро и ова е добро, ама јас како стар човек треба да бидам дома“, рече овчар од Кораб.
Иако богат со природни убавини, Кораб е недостапен за домашните и странските туристи. За да го посетите треба да минете сложена процедура да добиете дозвола од пограничната полиција. Затоа, пак, планината е лесно проодна за криминалните групи од Албанија кои често ги ограбуваат околните села.
Досега ниту една влада не успеа да го афирмира и заживее под планинскиот регион. Останува само 8-ми Септември како повод да се сетиме на Кораб.
| |
| |
| 
|
|
