|
|
| Тема |
 “ Воините на Тангра “ , поезија ........ |
|
| Автор |
Dunek_Lozar (сръболафещ тюрк) |
|
| Публикувано | 23.08.06 23:30 |
|
|
|
Дрим-тим поети од целиот свет ќе ја слават поезијата во Струга
Иако државата годинава им го скрати буџетот, организаторите на фестивалот успеаја да донесат четириесетина врвни странски поети
Со стихови од песната „Т’га за југ“ на Константин Миладинов на шпански и на македонски јазик, со голем огномет и со традиционалното палење на фестивалскиот оган, утревечер во 20.30 часот, на платото пред Домот на поезијата во Струга ќе биде отворено 45. издание на нашиот најголем меѓународен поетски фестивал - Струшки вечери на поезијата. Триесет и пет поети од сите пет континенти од светот и исто толку домашни автори годинава ќе учествуваат на нашиот најголем интернационален поетски фестивал. Годинава „Златниот венец“ на Струшките вечери ќе го понесе Нанси Морехон, поетеса од Куба. Таа е втора жена што ќе го добие престижното поетско признание. Морехон во Струга ќе допатува денеска, заедно со амбасадорот на Куба во Бугарија.
Мултимедијалниот белег на современото поетско творештво и однос на стиховите кон другите уметности ќе бидат темите на кои поетите од целиот свет ќе дискутираат на четиридневниот фестивал.
- Секоја година се развива понекоја тема што се провлекува како лајт-мотив и со која сакаме да извлечеме нешто круцијално за поетското творештво. Како што во сликарството постои поезија, во секоја песна се развива одредена слика што може да биде инспирација за ликовниот творец. Тоа е основата поради која одбравме да подискутираме за односот на поезијата со другите уметности - рече Зоран Анчевски, претседател на Управниот одбор на СВП.
Од Дирекцијата на Фестивалот велат дека годинава државата им го скратила буџетот речиси за половина, а големите фирми не биле заинтересирани да помогнат со спонзорства. Фестивалот ќе биде организиран со 45.000 евра.
- Немавме разбирање од државата, а големите спонзори не најдоа интерес да покријат барем дел од програмата на фестивалот, кој е светски познат и најдобар промотор на нашата култура во светот. Ако генералниот секретар на УНЕСКО заклучи дека Македонија и Струга се центар на светската поезија, тогаш и одговорните во државата треба да се однесуваат поодговорно кон фестивалот кој постои речиси половина век - рече Ефтим Клетников, директор на СВП.
Иако со намален буџет, Струшките вечери на поезијата и годинава ќе се одвиваат според вообичаениот програмски концепт. Пред свеченото отворање, лауреатот Морехон утре во 10 часот во Паркот на поезијата ќе посади дрво. Вечерта, во 21 часот, во Домот на поезијата ќе се одржи меѓународното поетско читање „Меридијани“, на кое дваесетина странски поети ќе читаат дел од своето творештво на јазикот на кој пишуваат. Првата вечер ќе настапи и квартетот „Драган Даутовски“, кој ќе исполни дела од нашата музичка традиција.
Вториот фестивалски ден ќе биде отворен со симпозиум на кој наши книжевници и автори ќе зборуваат за мултимедијалноста во современиот поетски јазик. Традиционалната поетска вечер на национална поезија годинава им е отстапена на творците од Карибите. Неколкумина карипски поети, покрај истекот на реката Дрим, ќе го претстават своето современото и традиционално творештвото. Нив ќе ги придружува женски квартет од Куба.
Во преостанатите денови ќе се одржат вообичаените поетски читања „Ноќи без интерпункција“, промоции на поетските збирки „Плејади“ и на антологии со поезија од наши автори. Портретот на Морехон ќе се одржи во црквата „Св.Софија“ во Охрид, а поетите ќе отпатуваат и на традиционалниот пикник крај манастирот „Св. Наум“. Наградата „Браќа Миладиновци“, што ја доделува фестивалот, ќе му биде врачена на Братислав Ташковски. Признанието му беше доделено за стихозбирката „Големата љубовна песна“.
Официјалниот дел од програмата ќе биде затворен в недела со манифестацијата „Мостови“, кога на поетесата Морехон ќе и' биде врачен „Златниот венец“. Истата вечер на младата поетеса Марија Марковна-Гејде од Руската Федерација ќе и' биде врачена наградата „Мостови на Струга“, што СВП и УНЕСКО ја доделуваат на млади автори за нивни дебитантски поетски збирки. Наградата на Гејде и' е доделена за книгата „Време за бришење прашина“.
По затворањето на Фестивалот во Струга, поетите, поделени во групи, ќе отпатуваат во Битола, Струмица, Кичево, Куманово и во Тетово, каде што ќе учествуваат на мали поетски читања. Во просториите на Друштвото на писателите на Македонија, Морехон ќе биде прогласена за почесен член на нашата писателска асоцијација. По еднодневните екскурзии, авторите ќе заминат во Скопје на „Поетско матине“ покрај Матка. Фестивалот ќе заврши на 29 август, со поетско читање во Мултимедијалниот центар „Мала станица“ во центарот на Скопје.
Помош од странски министерства за култура
Откако Министерството за култура на почетокот од годинава го скрати буџетот за Струшките вечери, организаторите на фестивалот побарале помош од странски министерства за култура. Дел од изданијата од поетската едиција „Плејади“ се финансирани од министерствата за култура и од фондации од Норвешка, Данска, Велика Британија и од Шпанија.
- Откако не наидовме на разбирање од домашните одговорни институции, помош побаравме од нашите пријатели во светот. Тие ни излегоа пресрет - рече Анчевски.
Нима Тангра се отвърна от народа Си?
Преди век и половина Георги Сава Стойков, кого знаем повече като Георги Раковски изрече на глас дълго непроизнасяна истина: “Само вярата в Тангра може да спаси Българина!”.Знайте: никоя Вяра не е мъртва, докато поне един неин следовник я тачи и помни. Тангра ще бъде в България, докато поне един Българин Го носи в сърцето си. Дотогава ще продължава и войната срещу България, защото тя е война срещу Тангра. Но кога Бог е бил побеждаван?
““
1829 год- ЮРИЙ ВЕНЕЛИН
| |
| |
| 
|
|
