|
|
| Тема |
 Кочо Рацин ќе добие мавзолеј во Велес |
|
| Автор |
Oнчo () |
|
| Публикувано | 22.12.07 20:01 |
|
|
|
ПО ПОВОД СТОГОДИШНИНАТА ОД РАЃАЊЕТО НА ГОЛЕМИОТ ПОЕТ
Кочо Рацин ќе добие мавзолеј во Велес
Локалната самоуправа на Велес 2008 ја прогласи за Година на Рацин
[Во центарот на градот ќе биде нацртан мурал со епизода од животот на Коста Солев]
Мавзолеј во кој ќе бидат пренесени посмртните останки од големиот поет и револуционер Коста Солев Рацин ќе биде изграден во Младинскиот парк во центарот на неговиот роден град Велес. Тоа е само една од културните содржини што ќе се одржат в година, во рамките на одбележувањето на еден век од раѓањето на Рацин. Истовремено ќе бидат одбележани 65 години од неговата смрт и 45 години на манифестацијата „Рацинови средби“. На седницата на Советот на Општина Велес е усвоена програмата за активностите за наредната година. Велес следната 2008 ја прогласи за Година на Рацин. - Овој голем јубилеј треба достоинствено да го одбележиме. Младите генерации треба да ги запознаеме за делото на Рацин, а останатите да ги потсетиме на основачот на современата македонска поезија. Најмногу програми ќе бидат реализирани во три месеци: јуни - кога трагично е застрелан, ноември - кога е издадена збирката „Бели мугри“ и декември - кога тој е роден - изјави Аце Коцевски, градоначалникот на Велес.
Во рамките на прославата ќе биде презентирана музејската збирка на оригинални документи за Кочо Рацин и неговата книга, собрани од Хрватот Ивица Судник, кој работел како чирак во печатницата во Самобор во 1939 година, во времето кога таму е издадена „Бели мугри“.
Локалната власт од книгоиздателството „Матица македонска“ ќе го откупи тиражот на „Бели мугри“, која треба да биде печатена на повеќе светски јазици. Голема мистерија е и смртта на Рацин, па по тој повод се планира да се одржи научна трибина, организирана во соработка со Македонската академија на науките и уметностите, Институтот за национална историја и Друштвото на историчарите на Македонија. Веќе е утврдена темата на научниот собир - „Смртта на Рацин 65-годишна енигма“.
Организаторот на програмата најавува и голема изложба на портрети на поетот од различни автори, кои сега се наоѓаат во институции и во приватни збирки во земјава. Манифестацијата „Рацинови средби“, по подолго време, наместо еден, ќе трае четири дена и ќе биде збогатена со повеќе содржини. По примерот на големите европски градови, во централното подрачје на фасадите од куќите ќе биде нацртан мурал со епизода од животот на Коста Солев. Најголем дел од финансирањето на манифестациите ќе биде од локалниот буџет, но Општината се надева дека и државата ќе се вклучи во одбележувањето на јуби
| |
| |
| 
|
|
