|
До наше време е достигнала руска редакция на Краткия летопис на патр. Никифор. Тук ще пусна текста на летописеца на руски, то ще е оцветен. В черно ще е основния текст, в червено - останки от българската редакция, а в синьо - руската редакция. В следващия пост ще е "реставрацията" на Именника:
Адам первыи человек быв лет 230, роди Сифа и живе лет 700 до Малелеила, живе же всех лет 930. Сиф быв лет 200 и 5, роди Еноса и живе всех лет 912. Енос же быв лет 190, роди Каинана и живе всех лет 900. Каинан же быв лет 170, роди Малелеила и живе всех лет 909. Малелеил быв лет 165, роди Ареда и жит всех лет 885. Аред быв лет 162, роди Еноха и жит всех лет 962. Енох быв лет 165, роди Мафоусаила и жит всех лет 345; и оугоди Енох Богу и не обреташеся, яко престави и Бог. Мафоусаил быв лет 167, роди Ламеха и жит всех лет 969. Ламех быв лет 188, роди Ноя и жит всех лет 406. Нои быв 500 лет, роди три сыны, Сима, Хама, Афета; и в 600-е лето живота Ноева бысть потоп на земли, и жит по потопе лет 350, и бысть всех лет 920. А от Адама даже до потопа лет 2242.
Сим быв лет 135, роди Арфаксада в 2-е лето по потопе, и жит всех лет 500. Ареаксад быв лет 135, роди Каинана и жит всех лет 303. Каинан быв лет 130, роди Салоу и жит всех лет 403. Сала быв лет 135. [роди Е]вера и жит всех лет 270. Енер быв лет 130, [роди] Фалека и жит всех лет 209. Фалек быв [лет 13]4. роди Рагава; при Фалеце бысть разделение [яз]ыком. А от потопа до разделениа языком [530].
[Рагавъ] быв лет 137, роди Сероуха и жит всех лет |207;] тои Сероух нача коумиры творити. Сероух быв лет 132, роди Нахора и жии лет 200. Нахор жив лет 79, роди Фароу и жив лет 129. Фара быв лет 70, роди Аврама. Аврам быв лет 100, роди Исака. От разделениа язык до Аврама лет 552.
Исак быв лет 60, роди Иакова. Иаков быв 37 лет, роди Левгию. Левгиа быв лет 45, роди Каиафа. Быв Каиафа лет 60, роди Амбрама. Амбрам быв лет 73, роди Моисея. Моисеи быв лет 80, изведе люди из Египта, и по сем водяше по поустыни лет 40. От Аврама до исхода сынов Израилев лет 505.
Исус Навгин воеводствова лет 32. Старци соудиша лет 23. Гофонил племени Иоудяна лет 8. Еглому царю Моавскоу работаша лет 8. А от племени Ефремова лет 80. Иноплеменници обладахоу лет 18. Самагарь лет 7. Варак и Девора лет 40. Под иноплеменникы лет 20. Мадиане же лет 7. Гедеон лет 40. Авимелех лет 3. Фола лет 31. Аир лет ЗОИ Аманитии лет 18. Евтаи лет 6. Есевонь лет 7. Еломь лет 10. Лавдон лет 8. Под иноплеменники 40 лет. Самасон лет 20. По Сампсоие не бысть соудии лет 40, тем и велико зло бысть. Илии жрець лет 20. Пророк Самоил лет 30. Саоул, прьвыи царь в Израили, лет 40. Давид царь лет 40. От исхода до Давида лет 630.
Соломон лет 40. Ровоам лет 17. Авиа лет 6. Асавет лет 40. Иасафат лет. 25; при том пророчьствоваша Михеа, Илиа, Елесеи. Иарам лет 8. Охозиа лет 1. Ахав 16. Оховеа, мати Хозиева, лет 7. Оас лет 40. Амасиа 29. А Захариа и Охозиа лет 52; при том пророчьствоваша Иосиа, Амос, Исаиа, Иона. Иафам лет 16. Ахаз лет 6. Иезекиа лет 29. Манасиа лет 55; при том и Оузантии създан бысть. Амос лет 12. Осиа лет 31; при том пророчьствоваша Иеремиа, и Варух, и Софониа. Ахаз 3 месяци. Иаким лет 11. Охониа 3 лета. Седекиа лет 11; при сем Новходоносор царь Вавилоньскы воева Иеруса-лим, Седекию ослепи, и многы Жиды веде в Вавилои, по 1000 в едином оужищи, с ним же и Данила пророка и 3 отрок, и церкви пожжена по 5 месяць от Наоузердана повара. Пребысть отнели же създан бысть Иерусалим до пленениа 648.
Тои Новходоносор царь царствова в Вавилоне лет 20. Оулемардах сын его лет 5. Вартосар брат его лет 3. Дарии Мидианин лет 17. По Дарии Кир Персянин лет 32. Камбоусии 18 лет. Спереди волхвъмесяць 7. Дарии Остапианин лет 20. Артаван месяць 7. Артаксерекс Долгороукыи лет 41. Другыи Артаксерекс месяць 2. Дарии Арсаманин лет 6; сего оуби Александр Македоньскыи, и раздроуши Перьское царство, и оумре в Вавилоне, царствова лет 12, а всех лет царства его 35. И раздели царство четырем моужем своимъ: Филипу, Селевкоу, Антиоху, Птоломею. От Адама до оумертвиа Александрова лет 5167.
Птоломеи царствова в Египте и в Александрии и нарицашеся Братолюбив, при том священныя книгы на Елиньскыи язык преложены быша, лет 38. Птоломеи Благодать лет 25. Птоломеи Юнеишии лет 29. Птоломеи Явленыи лет 7 и 6 месяць. Птоломеи Заячичь лет 20. Птоломеи брат его лет 8. Селевк, иже Никонор наречен бысть, лет 20. Сын Селевков Антиох Славныи лет 15; тъи моучи Елеазара и Соломонию и 7 отрок. Антиох сын его лет 23; при том Иоулиа Кесаря выпороша из оутробы мертвои матери его. Пьтоломеи Двоостровныи лет 30. Клеопартиа Птоломеева лет 22; в 23-е лето ея нача в Риме перво нарствовати Иоулии Кесарь, тъи закон да, индикта вискос обретъ; в то время Ирод царем бе в Иерусалиме. По Иоулии Август ' сын его, Октавин сын, иже и Севаст наречен бысть; царствова лет 57 и месяц 6; оттоуду Антиохиане лет их чтоуть сице: в 15 лет царства его вселенеи написание бысть; Клеопатру оубив, раздроуши Птоломеискоую власть, иже царствоваша лет 295. От Адама до Авгоуста лет 5457.
В 42-е царствиа его родися по плоти от святыя Богородици Мариа Господь нашь Исус Христосъ; послан бысть от Августа кесаря в то время Киринеи написание творити всея власти Иоудеискыя. Всех леть от Адама до воплощениа Господня 5000 и 500; написание же бе от Августа 3-ю деля вин. От воплощениа Господня до пришествиа волхвов лет 2, а до смерти Иродовы лет 3, а до Археловы смерти 9 лет, а 15 до смерти Авгоустовы, жил беаше лет 88; до крещениа Господня лет 30, до оусечениа Иоаннова при Иродовемь лето, по преставлении Иоаннове до страсти Господня месяць. А от крещениа до страсти Господня лет 3, ог воскресениа до възнесениа на небеса днии 40, от възнесениа до шествиа Святаго Духа на апостолы днии 10, ог възнесениа до оубиениа первомученика Стефана лет 7, от побиениа Стефанова до света, явлыпагося с небеси Павлоу, месяць 6. А Богородици от рожества ея до введениа в церковь лет 3, в церкви бысть 12 лет, в домоу Иосифове месяци 4, и потом благовещение приа от архангела Гаврила, и заченьши роди нетленно Господа нашего |И Исус Христа, бе лет 15, живе до страсти Господня 33, а по възнесении в Иерусалиме в домоу Иоанна еваггелиста живе с человекы лет 11; живота ея всех лет 59. От Адама до страсти Господня лет 5533.
По Авгоусте царствова в Риме сын Иоулиев Тиверии лет 23. Гаи лет 3 и месяць. Клавдии лет 13 и месяць, днеи 20. Нерон лет 13 и днеи 8, погребе себе живаго; при сем Петр и Павел, Иаков брать Господень моучени. Галв месяць 1, и заколен бысть. Офон день един, и зарезася. Иоутилии месяць 8 и 5 днии, и оубиша и в Риме пианаго. Оуспа-сиан лет 10; в 2-е лето царства его пленен бысть Иерусалимь Титом, сыном его, по възнесении 46 лет. Тит лет 2 и месяца 2, и заколен бысть в полате. Дементиан лет 15 и месяць 5; тъи гонение въздвиже, Иоанна Богослова в Патом поточи. Нероуя лет 1 и месяци 4. Траиан лет 19 и месяць 6; при сем Игнатии Богоносець моучен. Андриан лет 20; и сеи раздроуши Иерусалим, Елии град нарече, водным троудом отроудоват, оубьен бысть. Тит Антонин, нареченыи Благочестивыи, с детми своими лет 22 и месяци 3. Марко, сын его, лет 12 и месяць 11; при том Иоустин Филосое моучен. Антонин же Ивир лет 2. Комод 13 лет. Елин Протинакс месяць 6, заколен бысть || в полате Севир лет 18; при том Леодин бысть, отець Огрионов, моучен, Иполит Римъскыи, ростяше же и Григореи чюдотворець. Антонин, сын Севиров, лет 7, и заколен бысть. Такит месяць 6, и заколеии бысть. Антонин Галв лета 4, заколен в Риме. Александр 13 лет, заколен бысть. Максим 3 лет, и заколен бксть. Гордиилел 6 лет, и оудавися в Афракии. Филип 7 лет, и заколен бысть в оградех. Декии 71 лет и месяци 3, и заколен бысть на торгоу. Гал и Оуллусиан лет 1 и месяци 4. Оувалериан и Гал леп 15, и заколена быста. Клавдии лет 1 и месяць 9. Авриан лет 5 и месяць 6, и заколен бысть. Маркиаы лет, и заколен бысть. Прол лет 6 и месяци 4, заколен бысть, Кар с отро-кома Кариига и Ноумериан лет 2, и заколени быша. Диоклитиан и Максимиан лет 20. От Адама до оумертвиа Диоклитианя лет 5760, от страсти же Господня до начала Диоклитианя лет 276.
Христианьское царство. Констянтин, сын святыя Елены, лет 31; в 12 лето царства его 1 сбор в Никеи бысть 318 отець на Ариа попа Александрьскаго, разделяющаго Вожество; от възнесениа Христова до 1-го сбора лет 318, от Адама до оумертвиа Костянтинова лет 5836, всего живота его лет 65. Остави же 3 сыны: Костоу в Риме, || Костянтина в Цариграде, Костянтия в Антиохии, сеи сътвори ипатии; царствовашя лет 24. Иоулиан Престоупник лета 2 и месяць 6, и оубиен бысть в Персиде. Оувалентиан Новыи. Феодосии Великии лет 6; при сем вторыи сбор бысть в Цариграде святых отець 150 на Македониа духоборца, от 1-го сбора до 2-го лет 60. Аркадии, сын Феодосиев, леть 13 и месяца 3. Феодосии, сын его, лет 42 и месяца 2; при сем бысть третьи сбор в Ефесе святых отец 200 на Несториа человекослоужебника; от втораго сбора до третьяго лет 50. Маркиан и Оувалентиан лет 29; цри нею же четвертыи сбор бысть в Халкидоне святых отець 630 на Евтиха и Диоскора и Севгира, смоущение и равмешение вводящимъ; от третьаго до четвертаго лет 30. Леон Великыи лет 5, и Леон Малыи лет 1. Зинон лет 17. Анастасии лет 27 и месяци 4. Иоустин Волосатыи лет 9 и днии 23. Иоустианин лет 38 и месяць 7; и при сем пятыи сбор бысть в Цариграде святых отець 165 на блядства Оригеонова; от четвертаго до пятаго лет 100. Иоустин, нетии Оустиан, лет 12 и месяць и днии 20; в 7-е лето его скончася кроуг святыа Пасхы лет 532, отнюдоу же Господь распятся. Тиверии лет 5. Маврикии лет 20 и месяци 4. Фока лет 8. Ираклии с сыном лет 31; в 3 лето царства его болшоую часть Римьскои власти Перси приаша, Иерусалимь пожгоша, и честныи крест и Захарию патриарха и многы люди в Персы ведоша; в 12 лето Хоздрои оубиен, и пленение възвращено бысть. Костянтин и сын Ираклиев лет 28, в Сикилии оубиен бысть. Костянтпн, внук Ираклиев, лет 17; в 13 лето шестыи сбор бысть в Цариграде святых отець 170 на Онориа и Кира и Макариа, единоя воля ереси; от 5-го до 6-го лет 130. Иоустианин лЬт 10. Леонтии лет 3. Тиверии же Иапсии лет 7. И Анастасии же Иаремии лет 2. Феодосии леи 1. Лев Конон лет 25 и месяци 3, днии 8. Костянтин, сын Лвов, с материю лет 31 и месяца 2 и дни 2; при тою в 8-е лето 7 сбор бысть в Нивеи второе святых отець 367 на иконоборци; от 6-го до 7-го лет 122, и от Адвма в лето 6305, а от Спаса нашего Бога лет 805; Костянтин оубиен бысть на торгоу. Ирина, мати его, лет 5 и месяци 2 и днии 12. Никифор лето 1 и месяць 9. Ставрикии, сын его, месяца 2. Михашгь, зять его. лет 1 и месяць 9 и днии 11. Лев лет 7 и месяць 5 и днии 14, заколен бысть в полате. Михаил лет 8 и месяць 9. Феофил лет 12 и месяци 3 и днии 20. Михаил, сын его, с Феодорою, материю своею, и с Феклою, сестрою его, лет 14. Михаил лет 12, с Васшгием лет 1 и месяци 4, заколек бысть. При сем царстве приидоша Роусь, Чюдь, Словене, Кривичи к Варягом, реша: "земля наша велика и обилна, а наряда в нви нетъ; поидете княжитй и владеите нами". И избрашася три браты с роды своими: стареи Рюрик седе в Новеграде, Синеоус на Белеозере, Троувор в Избор-ске, от Адама лет 6370. По двою летоу Троуфор и Синеоус умре, и приа всю власт в Роуси Рюрик. По Михаиле царь Василии лет 18 и месяць 11; в 2-е лето царьства его крещена бысть Болгарска земля, огь Адама 6377 в 12 лето царства его Рюрик оумре, дасть княжение Олгови, сродникоу своемоу, и сына малаго Игоря. Лев и Олександр, сына Василиа царя, лет 26 в 12 лето царства его Преложены быша книги от Греческаго языка на Словеньскыи; есть же от крещениа Болгарскаго до Преложениа книг лет 30, а от седьмаго сбора до преложениа книг 77, а от Адама 6405 Костян[т]ин, сын Лвов, зять Романов, царствова лет 7; а в Роуси почя княжити Игорь, а Олегь оумре. Роман царствова лет 36; в 27 лето царства его оубиен Игорь, поча княжити Олга с сыном || Святославом. Иван, рекомыи Цемскеи, царствова; в 1 лето царотва его иде Олга к Царюграду и крестися, оть Адама в лет 6463. Святослав княжи лет 18, и оубиен бысть, остави три сыны: Ярополка, Олга, Воло-димера. Седе Ярополк в Киеве и оуби Олга, а Ярополка оуби Володимер и седе в Киеве. Костянтин и Василеи царствова; при сею крестися Володимер и всю Русь, от Адама в лето 6496; живе по крещении лет 28 и оумре. По том же лете Святополк оуби Бориса и Глеба, седе в Киеве три лета, биася с Ярославомъ; възбеснев, и оумре. Ярослав седе в Киеве лет 38, а царь бе Манамах. Изяслав, сын его, лет 24, оубиен бысть; при сем Феодосии игоумен Печерьскыи бысть. Всеволод, сын его, седе в Киеве лет 15, и оумре. Святополк лЬт 21, и оумре. Володимер лет 13; в 2 лето княжениа его принесен Борис и Глеб, охь Адама лет 6623; в то время бе царь в Грецех Алексеи, оумре, и по нем бысть сын его Иван Порфирогенит. По Володимере седе в Киеве сын его Мстислав лет 6. Ярополк, брат его, лет 7. Всеволод Олговичь лет 7. Изяслав Мстиславичь лет 8. Юрьи Володимеричь Манамашь княжи лет 3. Андреи Боголюбскии, сын его, от отца иде Соуздалю в лето 6663, княжи в ВоЦлодимери лет 21; по отчи смерти начя быти Кыевьское княжение в воли его, в то время царь бе Маноуилъ; в лето 6682 оубиен великыи князь Андреи. Михалко, брат его, седе в Володимери лет 1 и оумре. В Киеве седе Ярослав Мстиславичь лет 9. Глеб Юрьевичь 2 лета. Роман Мстиславичь. А в Володимери седе по Михальце брат его Всеволод Юрьевичь лет 37, владея всею землею Русскою. По нем седе сын его Костянтин лет. По Костянтине брат его Юрьи седе в Володимери, а Костянтиновичь Василко в Ростове, Всеволод вь Ярославли. В 5 лето княжениа Юрьева явишася Татарове, и многы страны плениша, и князеи Русскых избиша на Калцехъ; в 15 лето княжениа Юрьева, а от Адама лет 6705, Татарове плениша землю Соуздальскоую; в лето 6745 Татарове оубиша князя Юрья и Василка и инех много. В то же время седе в Володимери Ярослав, брат Юрьев, лет 9; а в Ростове седе княгыни Ва-силкова, с сыном Борисом и Глебом. Ярослав оумре в Татарехъ; по нем седе в Володимери Святослав, брат его, лето 1; и прогна Андреи, сын Ярослав, и княжв лет 5; и приде Неврюнь, от Адама в лето 6760, и прогна и за море. Того же лета седе Александр, брат его, лет 12; в 4-е лето княжениа его число бысть, от Адама 6765. По смерти Александрове брат его Ярослав лет 10, и оумре. Василеи, брагь его, лет 4, и оумре; в 1 лето княжениа его 2-е число бысть, от Адама 6781. И нача ведати великое княжение Дмитреи Александровичь. Борис Ростовьскыи княжи лет 40, и оумре в Татарехъ; и седоста в Ростове сына его Дмитрии, Костянтинъ; а Глеб приехав ис Татар, княжи 7 месяць, и оумре.
_______________________
|
Именика като фрагмент от Летописац в кратце
