|
Тема |
Град под водите на Охридското Езеро |
|
Автор |
Vencci* (R*Я) |
|
Публикувано | 11.08.07 17:00 |
|
|
Освен Воден е открит още един, но този път под водите на Охридското Езеро :
Град под вода во Охридското Езеро
На само 200 метри од езерскиот брег, близу одморалиштето "25 Мај" во Струга, се наоѓа Врбник - најголемиот подводен археолошки локалитет во Македонија. Наоѓалиштето има јајцевидна форма, со должина од 800 метри и широчина од 150 метри. Поради специфичната форма, локалитетот се наоѓа на длабочина од 3 до 12 метри, во зависност од конфигурацијата на теренот.
Врбник е откриен кон средината на осумдесеттите години на минатиот век, од група струшки рибари. Пловејќи по водите на Охридското Езеро тие забележале дека на повеќе места од водата излегуваат колци. Неколку дена подоцна ова им го кажале на нуркачите од струшкиот клуб "Нуркач", кои успеале да извадат мал дел од овој материјал, кој потоа го однеле во Народниот музеј во Струга "Никола Незлобински".
Првото истражување беше направено во 1998 година, и тогаш се добиени најголем дел од податоците. Во 2001 и 2003 година беа направени уште две истражувања, но таму е допрено многу малку, односно има уште многу да се истражува. Од она што досега e собрано може да се заклучи дека на тоа место имало наколни населби, кои потекнуваат од крајот на бронзеното и почетокот на железното време, односно дека датираат од 10 до 8 век пред новата ера. Досега најмногу се собрани керамички садови, односно големи ќупови кои се користеле за вино, потоа помали керамички садови, спојници за рибарски мрежи, разни игли и метални предмети. Пронајдени се и мали тегови, кои ги користеле во риболовот и за предење, односно за оптегнување на предивото. Исто така, најдени се и метални српови и секири, така што може да се заклучи дека овие луѓе освен со риболов и лов се занимавале и со земјоделство, неколку парчиња од дрво, изрезбани, но јагленосани. Наколната населба била погусто населена кон средината на наоѓалиштето, а како што се оди кон краевите имало помалку куќи. Според досегашните археолошки сознанија, Врбник е најголемото подводно наоѓалиште во Македонија, а во Струшко има уште две други. Едното во близина на селото Калишта, а второто спроти новата автобуска станица во Струга. Во Калишта се најдени цели куќи под вода, за разлика од Врбник каде се останати само колците.
Можност за посета: contact@kralemarko.org.mk
|
| |
|
|
|