Да ве попитам .......... / Наука / Хуманитарни науки / История

Нов спот - Македонија вечна
Александра Бубевска Коментари (7)
20.11.2009 15:40
Иво Трајков

Комбинација на Индијана Џонс, Џемс Бонд и Гоце Делчев - вака режисерот на најновиот рекламен спот од циклусот Македонија вечна, Иво Трајков ја опишува приказната во спотот, кој беше промовиран денеска.

„Целиот спот е направен како приказна која што е референца околу некои познати идоли на филмското платно. Имате малку од Индијана Џонс, малку од Џемс Бонд, малку од нашата историја, Гоце Делчев итн., што е чисто референца за луѓето коишто во Австралија ќе го гледаат, или било каде на друго место, да сепак наоѓаат нешто што е препознатливо, а во исто време нешто што е сосема изворно“, изјави Иво Трајков.

Во спотот наменет за туристичка презентација на земјата се промовира македонското вино, како главен протагонист се појавува актерот Никола Ристановски, музиката е на Кирил Џајковски, директор на фотографија е Суки Мендечевиќ.

Продукцијата ја потпишува Ти Рекс, идејата беше да се прикаже традицијата на правење и пиење вино во Македонија преку трите главни начини на дегустација, боја, мирис и вкус. Со бојата се враќаме во античко време, со мирисот во 19. век, а вкусот е одраз на денешното, модерно време, вели сценаристот Златко Калеников.

„Ние сметаме дека треба да се креираат брендови во Македонија, и тоа беше идејата да се креира бренд македонско вино“, рече Калеников.

Најновиот спот Македонија вечна е финансиран од владата, чини 120.000 евра и од понеделник ќе се прикажува на Си-Ен-Ен.