ШТО ДА ОДБЕРЕТЕ?
Како да се одлучите за типот на автогасна опрема која ќе се вгради во вашето возило, а притоа да немате никакви проблеми со возилото и во исто време да не платите премногу за самата опрема?
Првата и најважна работа на која морате да обратите внимание е производителот на автогасната опрема. Не е тајна дека најдобрите автогасни уреди се произведуваат во Италија и Холандија. Од друга страна, се почесто како производители се јавуваат и компании од Полска и Турција, а некои од нив постигнуваат многу солиден квалитет. Италијанските уреди доминираат во Европа. Водечки производители меѓу нив се: LANDI RENZO, LOVATO, TARTARINI, BRC и други.
Што треба да се земе во предвид кога се избира производителот на уредот?
Најпрво ќе ви ги презентираме главните компоненти на современите Секвенционални инжексион системи.
1. Инјектори
2. Редуктор / Испарувач
3. ECU (Контролна Единица)
Инјектори
Инјекторите се покажаа како најзначаен дел од Секвент уредите. Главниот параметар во нивната работа е времето на отворање/затворање. Тоа треба да е што пократко и кај современите системи изнесува околу 3ms (милисекунди). Задачата на гасните инјектори е да постигнат работа на моторот на гас идентична како кога моторот работи на бензин и затоа е важно да се одбере тип на инјектори чија функција ќе соодветствува на функционирањето на бензинските инјектори.
Гасните инјектори меѓусебе се разликуваат по конструкцијата на механизмот за дозирање и по нивниот капацитет, како и по времето на отворање/затворање. Постојат специјализирани производители на гасни инјектори од кои се снабдуваат голем број на производители на автогасна опрема. Попознати меѓу нив се: Кеихин (Keihin Group), Валтек (Valtek S.P.A.), Матрикс (Matrix S.P.A Automotive division).
Постојат и производители на автогасна опрема кои не нарачуваат инјектори од други компании, туку самите ги произведуваат. Ова е многу подобра опција, бидејќи овие ијектори се конструирани во согласност со карактеристиките на редукторот, ECU и другите компоненти на системот. Типичен пример за ваков производител е Ланди Рензо со неговиот систем Омегас, чии инјектори го прават системот супериорен по перформансите во однос на автогасните системи на другите производители.
Редуктор
Повеќе големи компании каko Ланди Рензо, Ловато, БРЦ... , како и голем број на помали компании произведуваат редуктори за современите секвент системи. Секој производител поседува свој рецепт за производство на редукторите. Улогата на редукторот е да го контролира и намали притисокот на гасот кој доаѓа од резервоарот (9-16 бари) на работен притисок (0,9-2,5 бари). Добар редуктор е оној кој постигнува константен притисок при различни услови на работа.
Својата задача најдобро ја исполнуваат дво-степените редуктори. Тие се поскапи од стандардните едно-степени, но нивната предност е голема. Дво-степени редуктори произведуваат компаниите Ланди Рензо и Тартарини.
ECU-Електронска Контролна Единица (Компјутер)
Главната улога на ECU –компјутерот е да ги контролира гасните инјектори. Тоа е екстремно комплициран процес бидејќи тој мора да процесира голем број на различни иформации и потоа прецизно да ги калкулира контролните сигнали. Всушност, целиот систем зависи од работата на ECU – преку него се внесуваат сите параметри при програмирањето на самиот автогасен систем. Еден од најпознатите производители кои работат по специјални нарачки од други компании е Италијанскиот АЕБ. Поголемиот број на компании како Ланди Рензо, Ловато, Тартарини,... самите ги произведуваат овие уреди. Секако, самата работа на ECU се базира на софтверот кој го поседува, односно од неговата прилагодливост и способност да одговори на сите можни предизвици со кои системот секојдневно се соочува. Од нашето повеќегодишно искуство, можеме да го издвоиме софтверот на Ланди Рензо Омегас кој се покажа како многу стабилен и ефикасен.
При правењето на избор на производител на автогасен уред, одберете го брендот чии уреди веќе се докажале како издржливи и компатибилни со специфичните услови на нашите сообраќајници и квалитетот на горивата. Осигурете се дека го дистрибуира реномирана фирма која гарантира долготрајно снабдување со резервни делови и која вистински стои зад дадените гарантни рокови. Во спротивно, можете да се најдете во ситуација за најмал проблем да доживеете големи непријатности, како што се барање на резервни делови во странство или непостоење на сервисер кој би го отстранил проблемот. Втората работа е конфигурирање на систем спрема вашите потреби и спрема типот на возилото, што би значело избор на тип на автогасен уред и избор на тип и големина на гасниот резервоар. Во овој случај неопходна ви е стручна помош од искусен професионалец кој ќе ви даде вистински совет. Не секогаш поевтин тип на уред или поголем резервоар е тоа што на вас ви е потребно.
|