Како да побараш и да добиеш телефонски број од девојка за 3 минути
Постирано четврток, ноември 14, 2002 - 09:01 CET од justaboy



Кој го прочита насловот сигурно се заинтересира дали е тоа возможно или само утопија... Има луѓе кои се разбираат во тие работи и велат дека доколку го знаете вистинскиот пристап, сè е можно. Зачудувачки, но навистина функционира. Доколку сакате да проверите дали и вашиот пристап е вистинскиот или уште повеќе сакате да го разберете вистинскиот пристап поветлете...




Јас се потрудив сето ова од психолошки и научен аспект да го објаснам. Ваше е да си прашувате, а коментарите и искуствата можете тука да ги испраќате.

Сите сме биле во ситуација да ни се сретнат погледите со некоја совршена личност за нас, емоците работат чувствата се разменуваат... арно ама не знаеме што да кажеме. За среќа има луѓе што и тоа го апсолвирале и научно го истражиле па ќе пренесам дел од тие искуства.

Приказната вели:
Не се фокусирајте само на земање и барање на самиот телефонски број од девојката што ја фокусирате. Побарајте го нејзиниот e-mail! Денеска на секој агол има интернет кафулиња. Покрај e-mail-от јас секогаш го добивам и телефонскиот број. Но се по ред…

Жените имаат многу различни причини за да го дадат нивниот телефонски број. На некои едноставно им годи вниманието и сакаат голем број мажи да им се јавуваат, некои тоа го прават само затоа што уживаат потоа да ве откачат, а некои се едноставно заинтересирани. Искуствата кажуваат дека жените регираат поинаку на телефонски повик одколку во директен разговор во живо.

Кога на некоја девојка ќе и се јавите по прв пат најчесто се однесува официјално или уште полошо се однесува грубо и се прашувате дали е тоа истата личност која сте ја сретнале предходно.

Добиванјето на e-mail адреса не само што е полесно туку и подоцнежните позитивни одговори се поверојатни. Кога пишувате e-mail девојките имаат чувство дека им обрнувате повеќе внимание со тоа што сте потрошиле време да им напишете нешто и во исто време добиваат чувство дека се работи за некој кого веќе го знаат.

Друга предност на e-mail-от е дека може да се напише и одговори на него во секое време и насекаде. Доколку се јавувате по телефон треба да го погодите вистинското време. Но e-mail-от може да биде прочитан и одговорен во секое време.

ПРАКТИЧНА КОНВЕРЗАЦИЈА:

Во кафуле или друго место каде што ја сретнувате девојката откако ќе и пријдете и разговарате 3-4 минути едноставно и велите: „Убаво беше да се разговара со тебе, но јас морам да се вратам кај пријателите.“

Тоа ќе ја збуни девојката затоа што е навикната момците да ја гњават и да и висат цела вечер. Повеќето девојки ќе ви речат: „И мене ми беше пријатно.“ Тогаш, на одење, онака ноншалантно и навидум неврзано и незаинтересирано: „Еј! Дали имас e-mail?“

Подвикнувањето „ЕЈ!” е изненадување, а прашањето „Дали имаш е-mail?“ не загрозува. Всушност ја прашувате дали има е-mail, а не дали ќе ви го даде e-mail-от.

Доколку рече ДА, извадете ливче и пенкалце и речете: „Супер, запиши го те молам“ и дадете и да запише.

Понатаму, ДОДЕКА ЗАПИШУВА, ќе речете „Запиши го и твојот телефонски број“

Кога прашуваш за e-mail, за девојката нема ризик од гњавење и злоупотреба, така што таа си вели: „Па добро, ќе му го кажам e-mail-от“. Многу девојки го даваат емаилот и не се чувствуваат загрозени затоа што подоцна можат да одлучат дали воопшто ќе го прочитаат и одговорат на него.

Трикот е тоа што ги прашувате да го запишат нивниот телефонски број додека веќе го пишуваат e-mail-от. Се работи за едноставна психологија на човековото однесување.

Таа ментално веќе рекла „ДА, ќе ти ја дадам мојата e-mail адреса“, и немаш против да ја запише. А кога ќе и речеш запиши го и телефонскиот број веќе е нормално да се продолжи со пишување... нема ментална блокада. Со други зборови многу ПОМАЛ чекор е запишувањето на e-mail адреса отколку телефонски број. Девојките ќе ви го запишат нивниот телефонски број и e-mail без двапати да размилат.

А еве уште еден корисен додатен муабет за да бидете сигурни дека вие сте го добиле точниот телефонски број.

Додека девојката сеуште пишува прашувате: „Дали е ова бројот на кој што се јавуваш?“. Доколку ве погледне и се двоуми, и ви каже дека е тоа бројот од кај соседите, речете: „Види, напиши го твојот вистински број, ќе биде во ред ќе ти се јавувам само по девет пати на ден“. Таа ќе се насмее и ќе ви го запише вистинскиот број.

Доколку на првото прашање одговори: „Не, немам e-mail адреса“ - тогаш одговарате со хумор: „А дали имаш струја?“. Следи: „Добро јас повеќе комуницирам по e-mail, но ќе го запишам и твојот телефонски број. Многу е тешко да се најдат луѓево денес дома. Сите се нешто зафатени.“ Едноставно треба да си прашаш.

Значи сега кога знаете како да пристапите на девојка што ви се допаѓа треба само да ги запишете овие реценици и да ги повторувате напамет се додека не ви прејдат во рутина и во секој момент знаете што треба да се каже во зависност од одговорот.

Девојките никогаш, или многу ретко, ќе ве прашаат зошто ти е телефонскиот број. Доколку ти си прашаш, а таа ти го запише бројот, добро знае зошто го бараш. Доколку ти си прашаш, а таа не ти го даде бројот повторно знае зошто го бараш.

ЗАБЕЛЕШКА: Секогаш носете си пенкалце. Нека биде тоа некое симпатично пенкалце што ќе им се допадне на девојките.

______

Съдържаниет е скрито
Влезте за да го видите