|
|
| Тема |
 Баба планина |
|
| Автор | Makeдoниja (Нерегистриран) | |
| Публикувано | 09.07.04 22:52 |
|
|
|
ВО СЕНКИТЕ НА БАБА
Огледајте се во пелистерските езера
Ако сакате да уживате во длабоките сенки на старите букови, дабови и борови шуми, да се препуштите на песната на птиците, да дишете воздух со мирис на полско цвеќе, вистински избор се планинарските домови "Копанки" и "Големо езеро" на планината Баба.
Сместени во сенките на густата моликова шума, тие се идеално место за одмор. Домот "Големо Езеро" се наоѓа на брегот на Големото Езеро, едно од најубавите планински езера во Македонија. Домот е на надморска висина од 2.225 метри и располага со 50 легла и со кујна. Неискусните планинари можат да изнајмат водич, со кој ќе прошетаат по шумските патчиња, до плажата на Преспанско Езеро и по текот на Брајчинска Река. На планината се наоѓаат двете пелистерски очи: Големото Езеро - длабоко 18 метри и Малото - длабоко четири метри. Температурата на водата во езерата е околу десет Целзиусови степени, а најхрабрите можат и да се искапат во нив. Во вечерните часови небото плени со својата убавина, а посебна атракција е и движењето на сателитите. До домот се стигнува преку Битола и Преспа, а ноќевање во домот чини 400 денари.
Домот "Копанки" се наоѓа на 1.610 метри надморска висина. Располага со 110 легла и со кујна. Ноќевање чини 300 денари, а за поголеми групи се организира и полн пансион. До домот се стигнува преку хотелот "Молика" во Битола, а потоа се продолжува пеш. За три и пол часа пешачење од домот се стигнува до врвот Пелистер, кој е трет по височина во нашата земја, по Кораб и Титов Врв. Врвот е висок 2.601 метар, а од него можете да ги видите Пелагониската Долина, Преспанското Езеро, планините Ниџе, Галичица и Јакупица. (Е.Т.)
| |
| |
| 
|
|
