|
Тема |
„Македонија“ .............. [re: Dunek_areнт Дyнek] |
|
Автор |
Dunek_areнт Дyнek (сръболафещ тюрк) |
|
Публикувано | 12.11.07 11:41 |
|
|
Грција е мајка на преименувањето
Елизабета С. Илиевска
Пред 15 години аеродромот „Тесалоники-Микра“ во Грција преку ноќ стана „Тесалоники-Македонија“. Ова не беше единствениот случај во изминатите дваесетина години каде што Грција решила да го вметне терминот „Македонија“. Сменети беа имињата и на Министерството за северна Грција (кое стана Министерство за Македонија и Тракија), на универзитет, на други организации, институти и културни друштва. Сето ова фрла сосема друго светло на грчките реакции на промената на името на скопскиот аеродром во „Александар Велики“, што според официјална Атина претставувало непријателска пропаганда од страна на Македонија. Во почетокот на акцијата на преименувањата Грција првин во 1988 година го смени името на тогашното Министерство за Северна Грција во Министерство за Македонија и Тракија. Од 1990 година универзитетот во Солун, наместо „Индустриската школа во Солун“, се вика „Универзитет Македонија“. Во 1992 година, во екот на најжестоката антимакедонска кампања и аеродромот „Микра“ во Солун беше наречен „Македонија“. Сето ова, се разбира, е што прашањето на преименување на објектите кај нашиот јужен сосед се третира во рамките на внатрешните работи на една суверена држава додека прашањето за скопскиот аеродром се поставува на меѓународно ниво. Павле Воскопулос, првиот човек на политичката партија на Македонците во Грција „Виножито“, вели дека Грција со овие постапки во периодот пред и по прогласувањето на независноста на македонската држава сакала да го присвои правото на терминот „Македонија“. Според Воскопулос, промената на името на аеродромот во Солун во првите години внесувала забуна кај странците. - Веднаш откако грчките власти одлучија да го сменат името на аеродромот се поставија патоказни табли на кои пишуваше „Тесалоники-Македонија“. Превозниците од Турција или од Романија што транзитираа за Македонија се ориентираа по овие патокази и, збунети, најчесто завршуваа на аеродромот, а не во Македонија. Тоа беше апсурдно - вели Воскопулос. Тој објаснува дека Министерството на Северна Грција било преименувано во Министерство на Македонија и Тракија од тогашниот министер Стилијанос Папатемелис од редовите на ПАСОК, познат по своите националистички идеи. Интересен е фактот што само за оваа област во Северна Грција има посебно министерство, додека сите други области и префектури во Грција немаат. - Идејата да се има министерство само во овој дел е јасна: Грција сака да ја спроведува својата политика на јакнење на „македонштината“ како дел од грцизмот во овој дел на земјата - вели Воскопулос. Според него, универзитетите, аеродромите, министерствата и другите објекти и институции во Грција што биле „македонизирани“ во последните 15-20 години, ако така смета грчката држава и за да нема место за никаква „забуна“, може многу лесно на ист начин да се преименуваат или пак да си ги вратат старите имиња.
|
| |
|
|
|