ДВЕ СРПСКИ МОМЧИЊА УБИЕНИ НА КОСОВО

Източник: МИА



Две момчиња од српска националност се убиени, а две повредени во косовското место Бањица, на 14 километри од Штрпце, кога непознати напаѓачи пукале во нивниот автомобил пред полноќ, пренесува МИА.

Како што јавуваат српските медиуми, убиени се Иван Дејановиќ и Александар Станковиќ од Ново Место, а повредени се Александар Јаниќијевиќ и Никола Дукиќ.

Во автомобилот марка "голф" со приштински регистерски таблички, со којшто се возеле момчињата, околу 23 часот е пукано од црн "мерцедес".

Напаѓачите прво погодиле гума на возилото во кое биле момчињата, по што возилото запрело и момчињата излегле од него со намера да ја заменат гумата.

Кога биле надвор од возилото лицата од "мерцедесот" што ги следел, повторно пукале врз нив и притоа ги убиле Дејановиќ и Станковиќ.

Момчињата се од Ново Место покрај Урошевац, освен Станковиќ кој е од селото Коњух, но во Ново Место престојувал како привремено раселено лице.

Косовската полиција изутринава во селото Коштањево уапси три лица осомничени дека пукале врз четворица српски момчиња, но попладнево тие беа ослободени.

Како што јави телевизијата ТВ "Херц" од Штрпце, осомничените изјавиле дека случајно се нашле во близината на нападот, додека полицијата констатирала дека тие не одговараат на описот на напаѓачите што го дало едно од повредените момчиња.

Српскиот претседател Борис Тадиќ го осуди убиството, оценувајќи дека тоа претставува недвосмислена порака за Србите дека за нив нема места на Косово.

"Овој терористички напад е уште еден доказ дека клучно прашање на Косово и Метохија е почитувањето на правото на живот и другите човекови права. Денеска на секого му е јасно дека тамошното општество е далеку од подготвено да биде демократско и мултиетничко", се истакнува во осудата на Тадиќ.

Според него, ако сторителите на злосторството не бидат откриени, ќе биде јасно дека кај одговорните институции на Косово не постои подготвеност за воспоставување на владеењето на правото и спречувањето нови злосторства.

Косовската Влада, исто така, го осуди синоќешното насилство и побара од УНМИК и косовската полиција да ги уапсат сторителите на злосторството.

"Владата на Косово е насочена кон водење и унапредување на политичкиот процес во духот на разбирањето и толеранцијата и е предадена на изградба на еден заедничкии и сигурен амбиент за сите граѓани на Косово", се навадува во соопштението од Владата во Приштина, што е пренесено од косовските медиуми.

Српскиот национален совет на Косово и Метохија (СНВ КиМ) истакнува дека синоќешниот инцидент претставува доказ за непостоењето на минимална безбедност и слобода на движење на Србите во Косово.

"Вџашувачкиот и гнасен терористички напад врз српските момчиња јасно говори дека стандардите во Косово и Метохија не ни почнале да се реализираат и покрај тврдењето на меѓународната заедница, УНМИК и специјалниот претставник дека во покраината има видлив напредок", се наведува во реакцијата на СНВ КиМ.

Претставникот на Српската листа за Косово Горан Богдановиќ истакна дека синоќешнмиот напад врз српските момчиња покажува дека ситуацијата во покраината не е онаква, како што сакаат да ја претстават меѓународната заедница иу привремените косовски институции.

Администраторот на ОН на Косово, Сорен Јесен Петерсен го осуди инцидентот оценувајќи го како "бесмислено и трагично злосторство".

Српскиот премиер Воислав Коштуница изјави дека одговорноста за најновиот инцидент на Косово го сносат и претставници на Мисијата на ОН, па и оној дел на меѓународната заедница кој е подложен на теророт како средство за уцена за што поскоро отворање на разговорите за таканаречениот статус на Косово.

Коштуница во јавното обраќање до специјалниот претставник на генералниот секретар на ОН, Кај Ејде и шефот на УНМИК, Сорен Јесен Петерсен нагласи дека ноќешното убиство на двете српски момчиња и ранувањето на уште две во општината Штрпце, претставува брутален терор над останатите Срби на Косово.

"Сакам од вас да слушнам јасно и гласно за какви стандарди станува збор кога момчиња неказнето се убиваат затоа што се Срби", нагласи Коштуница. Тој додаде оти се лаже секој што мисли дека со терор над Србите ќе ги оствари своите политички цели.

Съдържаниет е скрито
Влезте за да го видите