|
ОТКРИЕНА ЈАВНА КУЌА ВО БИТОЛА
Тројца Роми во Бугарија купиле две Украинки и со нив
снимале порнокасети
Т ројца битолски Роми се притворени во Истражниот затвор во Битола
бидејќи еден месец држеле во куќен притвор две Украинки, кои ги купиле во
Бугарија и ги „користеле“ за оргии и за снимање на порнокасети. Во оргиите
учествувале уште двајца битолчани, кои се во бегство и по кои полицијата, по
налог на истражен судија, распишала меѓународна потерница преку
Интерпол, бидејќи ја напуштиле земјава.
Украинките по еден месец во куќен притвор успеале да го скршат прозорецот
од собата во која биле сместени и избегале. Тие веднаш ја известиле
локалната полиција. Битолските полицајци и истражните органи не
соопштуваат други детали.
„Дневник“ од свои извори и од соседи на „куќата на оргиите“ дознава дека
уапсените Мерфин Мефаилов (20) и неговиот постар брат Мерџан (23), се
синови на богат Ром, кој подолго време живее и работи во Англија или во
Германија. Тој на синовите им направил трикатна куќа на улицата Илинденска
178 во битолската населба „Имарет“, веднаш до стариот дом „Сју Рајдер“.
Една помала и постара еднокатна куќа им подарил на ќерката Анча (24) и на
зетот Рамадан, кои имаат и малолетно дете. Марфин и Мерџан живеат во
Германија, но повремено, на месец или два, доаѓаат во Битола за да ја видат
својата сестра.
При нивното последно доаѓање во Битола, двајцата браќа заедно со Ајџан Н.
(25), кој живее во населбата Карпош и со уште еден негов другар на возраст
од 27 години, на 20 октомври годинава отишле во Бугарија и купиле две
млади Украинки. Едната на возраст од 18, а другата на 20 години. Со возило
„фолксваген“ со регистарски број БТ-050-СВ, илегално ги пренеле во
Македонија и ги довеле во Битола во семејната куќа на браќата Мефаилови.
Тука Украинките биле во куќен притвор речиси еден месец, се до петокот
вечерта, кога избегале.
Двајцата браќа и нивните двајца другари со Украинките снимале порнокасети.
Во слободните термини, тие им ги изнајмувале Украинките на богати
пријатели, за сума од 50 до 200 ГМ, во зависност од сексуалните услуги.
Посредувањето, како и самото вршење проституција се одвивале во строга
дискреција. Украинките, како што велат наши извори, добивале квалитетна
храна, пијалаци, облека, им биле обезбедени хигиенски услови во
најсовремено опремени бањи, удобни кревети и скапа долна облека и опрема
од странски секс-шопови. За исхраната и за сместувањето се грижела
сестрата, Анча Мефаилова (24).
Но, на Украинките сето ова им здодеало и во петокот навечер, кога
Мефаилови со своите другари славеле нешто, двете „порноѕвезди“ го
скршиле прозорецот од нивната соба на вториот кат и избегале, спуштајќи се
по ѕидот. Веднаш отишле во полициска станица, која е на неполн километар
од куќата на браќата, и го пријавиле случајот.
- Полицијата дојде во петокот околу полноќ и снимаше со камери, се
распрашуваше и приведуваше. Приведени се Анча и нејзиниот помал брат
Мерфин, а постариот Мерџан ден пред тоа избегал за Германија кај
родителите. Автомобилот им е паркиран во дворот. Чувме дека во куќата
правеле групен секс и се снимале на касети. Доаѓаа повремено некои
непознати луѓе со луксузни автомобили. Целата куќа е обезбедена со аларми
и со сигурносни шифрирани брави - тврдат некои од соседите.
Блиски пријатели на семејството Мефеилови велат дека се притворени
помалиот брат Мерфин Мефаилов и неговата сестра Анча, како и нивниот
другар Ајџен Н., кој потекнува од угледно битолско семејство на оџи. Во
бегство се Мерџан Мефаилов и уште едно лице чиј идентитет не се знае.
Заради комплетирање на истражната постапка во Истражниот затвор во
Битола се притворени и двете Украинки.
Менде Петковски
|
Lele-male