Градоначалничката на Град Скопје, Данела Арсовска, синоќа во гостување во „Тешки муабети на Инфомакс го демантираше европратеникот од Бугарија, Андреј Ковачев кој објави дека таа е бугарски државјанин.

„Јас од раѓање имам чешки пасош, мајка ми е Чехиња, имам македонски и чешки пасош, немам бугарско државјанство ама еве и да имав, не треба да ме заштитат? МВР е должно да ги штити сите на територијата на Град Скопје, дури и да се бугарски државјани, а јас не сум бугарски државјанин“, вели Арсовска.

Ковачев вчера кажа дека е загрижен затоа што била нападната Арсовска, која според него е бугарска државјанка и рече дека амбасадата во Скопје треба да пружи помош.

И пред да стане градоначалничка, за Арсовска имаше обвинувања дека поседува бугарско државјнаство, но таа негираше.