Интересна средба во “Кофи фектори”
На масата карши мојата, едно момче се смешкаше, што се вели, под мустаќ, правеше фаци како да прима убави пораки од некој невидлив партнер и одвреме-навреме си ги потпевнуваше песните што одеа на разгласот во “Кофи фектори”.
Му пријдов и му реков:
-Господине, дали ќе дозволите да ве почестам нешто, пиво, ракија, виски…
-Се разбира-рече момчето- со задоволство ја примам понудата, дали имате некој конкретен повод?
-Имам-реков- многу ми е драго што денеска, конечно, успеав да сретнам еден среќен Македонец.
-Убаво, господине, обаче ас см Блгарче от Монтана, ако не ви пречи бих се напил един “Џејмисон”.
-Разбира се, разбира се-реков трудејки се да не откријам колку сум затечен-радвам се като мога да почеста и един шчастлив Блгарин, на здраве, сичко хубаво…
-Сшто, господине, убав ден ви посакувам и благодарам-сврте на македонски покажувајки почит.