Branko Trickovski
Мојот народ
Мицкоски: Кој му дал право на Бујар Османи да преговара за мојот идентитет, јазик, за мојот народ, за Гоце Делчев…?
Тричковски: А кој е твојот идентитет, јазик, кој е твојот народ, кој е чив е Гоце, имаш ли национален пцр тест, имаш ли потврда дека си вакциниран од лудост, глупост и тапост, каква врска има твојот идентитет со мојот, што ако јас му давам право на Бујар, како што му давам и секогаш ќе му давам сто пати повеќе отколку на твоите шупаци, зошто не ставиш гумен чеп во устата и фризерска хауба на главата…ние не сме од ист народ и вака и така, но тоа би биле убави надворешни знаци за распознавање, ти ли ќе ја с’скаш нацијата против Бугарија, без да кажеш зошто твојата организација како најеклатантна бугарска историска сопственост, изум и апликација, Софија не бара да им ја вратиме, дали е тоа, како и твојот тон, показател на тоа дека свесно или несвесно, работите за остварување на вековните идеали на вмро односно за ослободување (еј!!!) на Македонија како пород на комунистичката сперма и на историските околности, и нејзино враќање во прегратките на мајка Бугарија. Со потпалување на антиалбанизмот како погонско гориво?