Па генерално гледам да не пишувам овде веќе. Ми здосади разни напади на речиси секоја работа што ќе напишам, колку и да е банално.

вракянето на македонизмот кон бугарските корени - прво прашање дали тие корени се бугарски. Ама да речиме дека е така како што велиш.
Колку често во историјата реално има враќање кон корењата, а колку имаш номинално враќање но реално е сосема друга форма? Колку мислиш дека е возможно вистинско враќање кон верување во Зевс, или богомилието, или марксистичкото толкување на светот, како сериозно решение на современи општествени проблеми?

А сега да видиме за македонизамот. Да земеш Македонец со просечна возраст од 40 години, родителите негови, и родителите на тие родители се родени по Балканските војни, возраснати во држави и поминувани во институиции со без врска со Бугарија (исклучок од 41-44).
За тоа време на тие генерации и таму а и глобално, економијата оди од претежно земјоделие, па индустрија па сервисна економија, за да денеска веќе се работи за дигитална економија. Политичката мисла е силно променета. Сите имаат некакво образование, за разлика од 19 век. Сите се во борба за некаква лична реализација. Од борба против гркоманија, па српска асимилација, па периодот на комунизамот , па 30 години квази демократско-парламентарно општество, социални медиуми култура, ти прашуваш за некакво враќање? Кон што, и што тоа реално решава?

Можеби повеќе прашуваш за зближување, или отфрлување на она што вие го сметате за антибугаризамот. Или толкување на историја.
Во основата на проблемот е немање на почит и толеранција на другата страна. Врескање од нашата страна кај вас се гледа како агресивен антибугаризам, врескањето од ваша страна се гледа кај нас како дегутанто мршојадство. Според мене најлогично решение е да се прифати/почитува дека постојат два погледа кон минатото и кај едните и другите и двата погледа да се изучува и кај едните и другите. Во одсуство на притисок, со тек на време и во двете страни ќе конвергираат кон еден објективен поглед на природен начин. Или барем поглед кој ќе може да ги пополни нелогичностите и контрадикцијиите во двата исклучиво става кои арогатно се надметнуваат како вистини.