Изцепката на Давкова за крушевския манифест и отговорът на Канзуров:
Viktor Kanzurov
Да можеше „експертката“ Гордана Сиљановска Давкова - а може, ако сака, и ако не е толку тврдоглава, суетна и беспомошно индоктринирана - да види што пишува на илинденските знамиња, какво бело-зелено-црвено знаме развева на нив, физиономија на девојка, ставена на црвена основа, да можеше да ги види, претседателската кандидатка на ДПМНЕ-Ваљево, мемоарите на учесниците во Илинденското востание, тешко дека би го објавила овој твит.
Нема никаков Крушевски манифест, професорке и наследничке на, исто така, непара упатениот во историски теми бугарофоб Тодор Пендаров. Две децении по Илинденското востание, Никола Киров Мајски, во својата уметничка/художествена литература, измислува Манифест на Крушевската република, кој одговара на неговите/на Мајски/, леви, идеолошки погледи. „Крушевскиот манифест“ е додаток на литературна творба од 20-тите години на минатиот век, а не реален факт од 1903 година.
По заземањето на Крушево, 1903 година, востаниците создаваат времена влада/правителство на ослободениот град, составена од членови-припадници на три крушевски народности - бугарската, грчката и влашката. Ниту еден човек не се пријавил дека е од преовладувачката народност во денешна Република Северна Македонија.
Никола Карев е Бугарин од Крушево, бугарски учител од 1900 до 1903 година, член на бугарска организација во Македонија и Одринска Тракија (БМОРК/ТМОРО/ВМОРО), а членувал и во Бугарската работничка социјалдемократска партија (БРДСП), додека живеел во Бугарија. Неговиот брат Георги Карев е кмет на Крушево, за време на бугарската административна власт, во периодот на Втората светска војна. По војната, југокомунистите, прво го затвораат Георги Карев (заедно со син му Мише), а потоа садистички го убиваат во затворот Идризово, неколку дена пред да му истече затворската казна. И третиот брат, Петар Карев, е репресиран и затворан од југокомунистичката власт, со која се идентификува и чија рожба е (поголемиот дел од) содржината на менталното тело на Гордана Сиљановска Давкова.
Што ќе рече, југословенската Народна/Социјалистичка Република Македонија е негација на пораките, стремежите и духот на Илинденското востание. За потребите на новосоздадениот македонски југословенски идентитет, југословенските комунисти ја злоупотребија и македонизираа историјата и традицијата на најбројниот етникум во географска Македонија - бугарскиот.
Да беа живи, здрави и млади, денес, илинденските востаници, ќе креваа востание, не против Отоманската империја, Србија или Грција, туку против Република Северна Македонија, најдушмански поставената против нивниот идентитет.
Редактирано от Darkages на 27.04.19 21:06.
|