"Му благодарам на другарот Мирослав Грчев, за тоа што ми ја потврди тезата, дека, во пресрет на референдумот на 30 септември, терајќи ги своите ѓомити различни агенди, двете страни (власта и опозицијата), се мобилизираат на антибугарска основа.

Другата теза, која, другарот Грчев ми ја потврди, е таа дека југословенската НР/СР Македонија беше едно малечко, бедно државиче на злото, смртта, омразата и лагите, кое, сериски произведуваше подлеци и фалсификатори. Треба си, или тотален аналфабет, или да си многу расипан, за да го претставуваш ДПМНЕ-Ваљево на Сашо Мијалков, Никола Груевски и Христијан Мицкоски, како наследник на ВМРО на Тодор Александров и Ванчо Михајлов. Аналфабет или подлец, треба да си, и за (малубројните во Вардарска Македонија) Титови партизани, да ги претставуваш како наследници на ТМОРО, наспроти „бугарашкото“/предавничко ВМРО на Александров и Михајлов, небаре ТМОРО/ВМОРО, исто така, не било „бугарашко“.

Трета работа, која, текстот на Мирослав Грчев ја потврдува, е вистината за тоа дека ретко во светот се сретнува држава со толкав недостиг на достоинство, како Република Бугарија, под водството на Бојко Борисов и на ГЕРБ, кои, дали само под влијание на надворешни фактори (?!), не само што ги трпат овие антибугарски изливи на лица блиски до таканаречениот СДСМ, туку даваа(т) безрезервна поддршка на власта на „бившиот“ антибугарски шовинист Зоран Заев.

Срами се Бугаријо, срамете се Бугари од Бугарија, штом дотаму дојдовте, еден Мирослав Грчев да се заебава со вас и со историските факти!!!"