|
|
| Тема |
 ....ја наполни операта во Скопје |
|
| Автор |
o_megas (BG) |
|
| Публикувано | 03.05.18 13:25 |
|
|
|
Концерт за бугарското претседателство со ЕУ ја наполни операта во Скопје
26.04.2018 Култура406 Пати
Фолклорен концерт организиран од МНР на Бугарија за Бугарското претседателство на ЕУ, ги собра на една сцена во Скопје. Благоевградскиот ансамбл „Пирин“ и македонскиот „Танец“ за прв пат во последните 15 години. Вчера Македонската опера и балет пречека над 500 посетите;и, дојдени да уживаат во исполнувањето на едни од најголемите мајстори на народните песни и ора на Балканот. Спектаклот го отвори заменик-министерот за надворешни работи на Бугарија Георг Георгиев.
„Фолклорните ритми, песни и танци не знаат граница, а кај нас велиме дека кој пее, зло не мисли. Кога подавам кон вас пријателска рака, Ве поканувам на заедничкиот празник на мелодии и стихови, толку блиски и сакани од сите нас „, изјави Георг Георгиев во обраќањето кон публиката. Тој ја изрази радоста да биде во Скопје во еден толку важен момент и за Република Бугарија, која претседава за прв пат со Советот на ЕУ, и за Република Македонија, кон која неодамна беше упатена препорака од Европската комисија за почеток на претпристапни преговори.
„Бугарија ќе продолжи да ги поддржува своите соседи од Западен Балкан на нивниот пат кон ЕУ. Веруваме дека нашата иднина е заедничка и таква е пораката што сакаме да ја упатиме со средбата во Софија на 17 мај „, истакна Георг Георгиев. Тој додаде дека целосната соработка меѓу земјите во регионот е важна како за реализација на нивната европска перспектива, така и за стабилноста и нашио заеднички просперитет.
„Прв чекор кон таквата соработка е да наоѓаме и споделуваме вредностите кои не поврзуваат. Убеден сум дека денешниот настан целосно се вклопува во оваа идеја „, рече уште заменик-министерот Георгиев на отворањето на концертот.
Во спектаклот, кој траеше повеќе од два часа, „Пирин“ и „Танец“ ги претставија едни од најпопуларните и омилени народни песни и ора на бугарската и македонската публика. Раководителот на ансамблот „Пирин“ Данислав Кехајов не ја криеше возбудата од заедничкото учество на двете трупи. Тој изјави дека двата состави не се собирале на една сцена во последните 15 години и изрази надеж нивните средби во иднина да ја радуваат почесто публиката од двете страни на границата.
„Многу се надевам во наредните 4 години да обиколиме колку може повеќе бугарски градови“, рече раководителот на македонскиот ансамбл „Танец“ Зоран Џорлев кој планира на 21 мај концерт во Пазарџик.
Двајцата раководители истакнаа дека се надеваат спектаклот во Скопје да ја обнови добрата пракса на соработка која составите ја имале пред неколку години, и нивните заеднички настапи да бидат се почести. Фолклорниот концерт се финансира од Министерството за надворешни работи на Република Бугарија во рамките на Комуникацискиот план за Бугарското претседателство со Советот на ЕУ и општина Благоевград.
Иницијативата, исто така, имаше и добротворна цел. Собраните средства ќе бидат донирани во Центарот за деца со Даунов синдром во Република Македонија. Децата од Центарот исто така, учествуваа во настанот, помагајќи им на организаторите со раздавање на програми, асистирајќи и на водечката и се вклучија во големото заедничко оро, со кое заврши концертот.
„Овој прекрасен концерт е прекрасен пример за силното пријателство и добрососедство меѓу нашите две земји. Со вакви иницијативи ја покажуваме искрената желба за зајакнување на силните врски меѓу нас, вклучително и во сферата на културата. Градиме нов дух на вистинско пријателство и благодарение на него верувам дека ваквите иницијативи ќе се случуваат се почесто „, изјави по завршувањето на концертот заменик-министерот на Бугарија, Георгиев.
| |
| |
| 
|
|
