ЖИКА ЛАЗИЌ И НИЕ

Жика Лазиќ, бан на Вардарска Бановина (Македонија), повремено испраќал пајтон до ,,Маџир маало“, да го земе дедо ми Милан и да го донесе кај него во канцеларија.

Таму Лазиќ, на дедо ми му диктирал писмо, секогаш со иста содржина:

-Драги сине Велимире (Венко Марковски), овде је твоја отаџбина и она те зове да се вратиш....

После разговорот, пајтонот го враќал дедо ми дома, со писмото во рака, за да го адресира и да го прати до синот.

Ниту едно писмо дедо ми никогаш не адресирал и не пратил. Семејството не знаело дали е Вени жив.

Вујко ми, кој бил во илегала надвор од ,,Краљевина Југославија“, кај негова тетка (Мара) праќа картичка со следниов текст:

-Поздрави ги роднините во комшилук, од тој што си ги гризе ноктите, жив и здрав сум. Кажи им дека чавките не ми го испиле мозокот за да дојдам.

Мајка ми дошла кај тетката (Мара) која и вика:

-Докце, види ја картичкава, многу е чудна?

Мајка ми ја чита картичката и трчајќи оди дома на дедо ми и баба ми да им каже дека Вени е жив и здрав.

Ова е една епизода од една историја на едно македонско семејство.
* Приказната, повторувано ни ја раскажуваше мајка ми.

На фотографиите:
1. Дедо Милан и баба Љуба во дворот на нивната куќа во ,,Маџир маало“.
2. Сестрите на мајка ми Параскева и Вера на влезот во куќата.
3. Мајка ми Евдокија (Дока)
4. Вујко ми Вени

---------------------------------------------------

Gorazd Rosoklija Венко е по затвори од 16 годишна возраст. При стапување во гимназија што значи некаде 14 годишна возраст час е во милост на власта како најодличен ученик, час во немилост заради односот кон националното. На крај не му дозволуваат да матурира, затоа што на прашањето Србин или Бугарин, пишува Македонец. Тогаш оди во Чачак, кај Ѓузелов (стрелан после војната од комунистите) и таму завршува матура. Инаку, Венко и мајка ми се регистрирани дека се родени во иста година, 1915 што е биолошки невозможно. Таа на стара нова година, 14 јануари, тој на 5-ти март? Секогаш претпоставувавме дека тогаш ги регистрирале, а родени се барем една година и две години претходно? Сакав да ја запазам приказнава која мајка ми ја раскажуваше, и додека пишував размислував дали е Жика Лазиќ или Прелиќ. Немаме ниту еден жив член на семејството за да проверам. Мислам дека не менува многу и ако е Жика Лазиќ. Тоа што мене ме интригираше беше српскиот јазик во писмата, од татко кој никогаш дома не проговорил српски. Вени секако ќе знаел дека тоа писмо не го пишувал татко му, иако е ракописот негов. Која е целта на такво писмо под претпоставка дека би било пратено? Адресата? Каде е Вени?

-------------------------------------------------------------------------------------------

Съдържаниет е скрито
Влезте за да го видите

Съдържаниет е скрито
Влезте за да го видите