Во 60-тите години бил кодош на УДБА. Лично, со моите очи, имам видено кодошки белешки од овој човек, во досието на лице, следено од тајната полиција. И тоа е само еден случај. УДБА и си ги мие рацете од сопствените соработници. За да претстави некаква дејност пред сојузните органи, македонската УДБА - и низ манипулативни, па, да не кажам, и поттикнувачки дејствија - создава екстремисти, кои потоа ги фаќа. Одреден тип луѓе, влегуваат во таа мрежа. За мене не е спорно дека групата уапсени, меѓу кои бил и Панде, во моментот на затворањето и/или во време на издржувањето на затворската казна, најверојатно веќе биле преминати на антијугословенски позиции, но тоа не го брише нивниот соработнички период, ниту фактот, оти биле жртви (и) на нивните: егзиибиционизам, амбициозност/несоодветна на способностите/ и нерационално, нереално мислење. Инаку, следен (и апсен, па дури и киднапиран) бил и Драган Богдановски, но бил и соработник... на службата... најверојатно и создаден од неа.