|
|
| Тема |
 Бурни реакции во јавноста |
|
| Автор |
o_megas (BG) |
|
| Публикувано | 03.11.17 18:40 |
|
|
|
Бурни реакции во јавноста по коментар на лекар од Тетово за Македонија
„Македонија е лажна држава и не поттекнува од античка Македонија. Името е адаптирано а денес земјата не ја рефлектира вистинската природа на своето потекло. Земјата е изградена на лажни факти и измешана историја“. Ова е дел од поширокиот коментар на лекарот Лиридон Диша кој работи во тетовска приватна ординација, кој поттикна широка дебата во јавноста.
Но како што вели тој за НОВА, неговиот коментар е изваден од контекст од првиот споделувач на објавата на социјалната мрежа „Фејсбук“.
Реакциите во јавноста отидоа до таму што во реакциите се бара од Основното јавно обвинителство, тетовскиот лекар да одговара за ширење на говор на омраза. Диша сепак потенцира дека со својот коментар не упатил навреда кон никого.
„Коментарот е намерно поставен. Тоа е мој став и историски факт. Јас не упатив навреда кон никого и нема ништо спорно во него. Коментарот е изваден од контекст“, вели лекарот за НОВА.
Тој го споредува својот коментар со прислушуваните разговори и тврди дека за искажан став апсурдно е да се повикува на одговорност, кога поранешната министерка за внатрешни работи, Гордана Јанкулоска упатувала погрдни зборови и навреди кон Албанците, а за тоа се уште не одговарала.
Оригиналниот коментар напишан на англиски јазик од лекарот Лиридон Диша
Оригиналниот коментар напишан на англиски јазик од лекарот Лиридон Диша
На прашањето дали смета дека земјата во која живее е лажна, со измислено име и лажна историја, Лиридон Диша објаснува дека во тој контекст неговото мислење е дека државата не ја рефлектира мултиетничноста.
„Оваа држава е градена од повеќе етнички заедници и кога еден етникум сака да доминира, тоа не ја отсликува реалноста на мултиетничноста, ако се знае дека таа земја е изградена врз база на мултиетничност“, одговара лекарот.
Диша, кој работи во приватната тетовска ординација „Асклепиус“, тврди дека целиот коментар е искажано мислење, но реакциите од учесниците во споделениот коментар во кои се предупредува на евентуална неговата селективност при лекување на пациентите, биле бурни бидејќи тој бил изваден од контекст.
„Јас во мојата ординација сум имал и Македонци и Албанци и други етникуми и за мене никогаш немало разлика и нема ни да има. Јас имам пријатели и другари Македонци, имам и братучетка мажена за Македонец, така што повиците кон мене не се основани, луѓето што го споделуваат постот не ме познаваат“, вели лекарот од Тетово.
| |
| |
| 
|
|
