|
Виктор Канзуров (Фейсбук):
НИКОЛА ГРУЕВСКИ ГО НЕГИРА, СКВЕРНАВИ, ПОНИЖУВА И ГО РАСИПУВА МАКЕДОНСКИОТ ЈАЗИК!!!
ФАШИСТИЧКАТА телевизија на ДПМНЕ-Ваљево, пред некоја вечер пушти низ интернет пространството видео со гостувањето на нејзината програма, на специјалистот за историја и за лингвистика - Никола Груевски, кој, во финалето на разговорот, се жалеше како Бугарија не го признавала македонскиот јазик, а во духот на јазичните познавања на гостинот, клипот со интервјуто, беше наречен: „Месец дена во опозицја, СЈО зад врат“.
Ако ова „опозицја“, може да го толкуваме како напишан збор со случајно голтната една буква (едно „и“, меѓу „ц“ и „ј“), веројатно во еден момент недоволно силно била притисната тастатурата на компјутерот, нешто што секому може да се случи, тогаш синтагмата со почетните два збора, покажува елементарно непознавање и непочитување на македонскиот јазик (а секој медиум, задолжително, со закон, треба да има лектор).
„Месец дена“ ги нема во македонскиот јазик, тоа е превод на српската јазична конструкција „месец дана“. Во македонскиот јазик се пишува: „Еден месец“, „една недела“, „една година“!!!
Сега ќе ги наброиме србизмите, кои лидерот на ДПМНЕ-Ваљево, Никола Груевски, ги употреби во текот на разговорот. Нема да сметаме србизми од типот на „остварувања“ и „одлуки“, бидејќи некој мудрец (или мудреци), веќе ги внел(е) во македонскиот литературен јазик, иако односните зборови немаат почва во нашите дијалекти. Ќе се задржиме на изразите и конструкциите (на Груевски), кои, секој лектор, секој лингвист-македонист, би ги поправил и/или не би ги употребил.
Еве го јазичниот репертоар на бранителот на македонскиот јазик, Н.Г.: „отприлика“ (наместо „приближно“), „теретат“ (а би требало - „товарат“, магаре, или кого веќе...), „теретењето“, „посто“ (ова на Колета сигурно му е омиленото зборче :) ама можел и „проценти“ да каже!), „рачунаа“ („сметаа“, Никола!), „брукаме“ (се „срамиме“ од тебе, Николче-лингвисту! :) ), „јас тоа никогаш не би им го направил нив“ („ним“, бре, заштитнику на македонскиот јазик, или „на нив“! :) ), „што сум ја теретен“ („јас“, т.е. ти си „товарен“ и натоварен, Никола, за, и, со тешки кривични дела), „бидејќи ја неам нити потпишано, нити ништо во сето тоа, нити сум ја вршел набавката... дека ја ете нешто матно сум направил“ („јас“, „ниту“), „него што сум се возел после во возилото“ („него“ = „туку“ на македонски, неписменко, или свесен србизатору на македонскиот јазик!), „влегувате у кола, петсто мисли низ главата ви поминуваат“ („у“ = „во“, „петстотини“), „тоа е сулудо да ја продадат“ (ова „сулудо“, сигурно во кореспонденцијата меѓу членовите на историското ВМОРО се употребувало), „се знае дека коштаат по петсто, по шесто, по седумсто и по миљон коштаат“ („чинат“ „милион“), „четрстотини“ („четиристотини“), „нити во Бугарија, нити во Македонија“ („ниту“), „не е забрането со закон, да поголем број луѓе (во да-конструкцијата не се одделува честичката „да“ од глаголот. Кај Србите може, кај нас не. Парафразирајќи го Вазова, да те запрашаме: „Па шта си ти“, Никола?! :) ), „ме теретат мене, теретат пола раководство на ВМРО-ДПМНЕ“ („половина“), закључиле дека сме набавиле подметачи за чаши (следи драмска пауза кај Н.Г.) подметачи за чаши и... зборуваат сме проневериле пет миљарди, шест миљарди... нѐ обвинуваат за подметачи за чаши, без никаков доказ... пола партија, дека ние сеа затоа ќе бидеме затварани“ („заклучиле“, „милијарди“, „затворани“, а овие „подметачи за чаши“, Гоце Делчев и Даме Груев од уста не ги ваделе), „дваес пет илјади луѓе извршиле уплати... разни уплати, од петсто евра, двеста евра“ (Уууу....Николче, внимавај, „двеста“ е на српски, ама и на бугарски јазик, краста ќе те фати! :D ), „иљаду евра, иљаду и петсто итн.“, („илјада и петстотини“), „четириесе, пеесе, шеесе, и пола раководство го теретат, неколку десетина, пет и пол миљона евра, за целиот износ теретење, пет и пол миљони, од дваес пет иљади поедини уплати“ („десетици“, „поедини“ = „одделни“ или поединечни“), „поминале години у меѓувреме“, „нашиот грев не е што е срушена дивоградба, нашиот грев не е подметачите за чаши, шо сме ги купиле, ги прашувам јавно: ’кај се миљардите?!‘“, „и он ќе биде најголемиот реформатор... Ја не можев да бидам!?“, „за да некој амбасадор ме потапша по рамо“ („потапша“, ееејј, Стојан Новаковиќ ќе те „потапша“ за овој збор, Никола, а и за тоа да-конструкцијата како ја употребуваш!), „зашто може да му штети, ако договорот е добар?!“ (треба „зошто“, стојанноваковиќевски македонисту!), „тој е човек што во последните месец дена, најмногу го употребува зборот дебата, видовте вие некоја дебата во Македонија, во овие месец дена?!... Едно збори, друго прави, никакви дебати!“, „тој јазик го зборуваат два миљони луѓе тука, со тој јазик се идентификуваат два миљони луѓе, не можете вие во дваес први век да им го негирате јазикот, дваес први век е... настрана што аргументите не им држат, тоа нејќам да навлегувам, треба во историја да навлезам, во најмала рака до иљада деветсто четириес четврта година“, „на свој грб да го искусат“, „беше мисловна именка да се зголеми“ („мислена“, Николче!), „Не сме направиле ништо надвор од закон или од Деловник (ама сте употребиле зборови, без да ги членувате, а требало! :D ), „пеесет и еден“ (ајде, скопски е, ова ќе го простиме), „Одма“ (уште едно „х“ на крајот додади, Николче, таман ќе ти прилега)...
Водителката, овој пат, ќе ја поштедиме, освен нејзините „месец дена“ и „закочите“, сепак, одлично му асистираше и нафрлаше топки на мудриот и елоквентен соговорник Н.Г.
Малку усул, не е лошо да се има, кога ѓомити се штити македонскиот јазик, а при тоа, истиот брутално се сквернави, при изговорот. Нели, по делата ќе ги познаеме, а во овој случај, и по зборовите, кои ги употребуваат ДПМНЕ-овци.
Како што тргнале, премиерот Зоран Заев, новата влада и партијата-најголема партиципиентка во извршната власт, поставувајќи дефанзивна тактика и млак пристап во битката со ФАШИЗМОТ и КРИМИНАЛОТ, Н.Г. и неговото лингвистичко-македонистичко друштво (во кое значаен придонес даваат братучедите на лекторот Груевски, браќата Сашо УНУТРА у ГРЧКА сум ЈА и Влатко ЧАК ШТО ВИШЕ Мијалкови), можеби ќе куртулат од апсана, но ако некогаш отидат на одлежување на затворски казни, предлагам, таму (во занданите), од дел од конфискуваните од нив нелегално стекнати пари, да им се уплати едногодишен (или подолг, зависи од нивните капацитети за сфаќање) курс или школување по македонски јазик! Конечно, да го научат јазикот, кој толку демек го бранат!!! ;) :) :D
***
|
Jазикот дека ке го браниме
