|
Тема |
туризАм |
|
Автор |
ludo-mlado (оптимист) |
|
Публикувано | 03.02.16 17:48 |
|
|
Во Македонија лани дошле 25.000 Бугари, а во Бугарија отишле 470.000 Македонци
Македонија лани ја посетиле 25.000 бугарски туристи, а во Бугарија отишле 470.000 Македонци. За надминување на разликата во овие бројки, но и за изготвување квалитетни туристички услуги кои ќе привлечат туристи од трети земји, разговараа денеска министерот за економија Беким Незири и бугарската министерка за туризам Николина Ангелкова.
На средбата присуствуваа и осум градоначалници од туристички најатрактивните македонски општини, како и претставници на туристичкото стопанство и градоначалниците на Сандански, Смолјан, Благоевград, Чепеларе и Банско.
- Бројот на туристите од Бугарија во Македонија последниве три години се зголемува во континуитет и лани достигна 25.000, но оваа бројка во споредба со бројот на македонските туристи кои ја посетиле Бугарија е многу мала. Нашата тенденција е да изнајдеме начин како да се зголеми - изјави министерот Незири по средбата.
Според него, формирани се три мешовити работни групи кои за 15 дена треба да соопштат конкретни предлози за заеднички атрактивни туристички понуди.
- Ќе ги поканиме и другите соседи од регионот да се приклучат кон нашиот заеднички производ - напомена бугарската министерка Ангелкова.
Таа оцени дека денешната средба е потврда за добрите односи меѓу Македонија и Бугарија во областа на туризмот.
|
| |
|
|
|