БККС му пиша на Бучковски: Македонските Бугари се автори на идејата за независна Македонија
Игнорантскиот однос и ширењето омраза кон се што е бугарско никогаш не престанувале, а со самобендисани „македонски патриоти“ сето тоа се трансформира во подрастични и пожестоки форми. Тоа е целосен историски парадокс, ако се има предвид историската вистина, дека македонските Бугари се автори на идеjата за независна Македониjа и секогаш биле наjревносни македонски патриоти и борци за слободата на нашата сакана Татковина. Ова е дел од писмото кое претседателот на Бугарскиот културен клуб во Скопје (БККС), Лазар Младенов, му го испрати на Владо Бучковски од Граѓанската алијанса за позитивна Македонија во врска со неговиот говор даден на основачкото собрание на Алијансата, кој како што вели го проследил со големо внимание, особено во делот каде Бучковски „го констатира фактот дека во Македониjа има дискриминацијa кон дел од граѓаните кои се чувствуваат Бугари и кога отворено повикува да се прекине со таквата практика“.
Младенов, во, како што вели, вакви услови го оценува говорот на Бучковски како исклучително храбар, реалистичен, а за македонски услови револуционерен, за што наjискрено го поздравува од негово лично име и од името на сите членови и илjадниците симпатизери на Бугарскиот културен клуб – Скопје.
„Убедени сме дека секој треба да ги негува своите културно-историски традиции, но тоа не треба да биде на сметка или да пречи на традициите на другите. Во образовниот систем во Македонија сè уште фигурираатидеолошки интерпретации на историјата што потекнуваат од тоталитарното минато на бивша Југославија. Посмртно се фалсификува бугарската етничка припадност на историски личности bkk_logo_1како свети Климент, цар Самуил, преродбениците Кирил Пејчиновиќ, Рајко Жинзифов, Кузман Шапкарев, браќата Миладинови, Григор Прличев, дејците на ВМРО, како на пример, Дамјан Груев, Христо Матов, Гоце Делчев, Јане Сандански, Пере Тошев, Тодор Александров и други. Во таа смисла, се надеваме дека работата на Граѓанската алиjaнса за позитивна Македониjа ќе се фокусира исто така и на реформирање на идеолошки-интерпретираната историjа во нашиот образовен систем, коjа не само ги труе граѓаните, особено младата генерациjа, но е и основната пречка за градење добрососедски односи со нашите соседи“, пишува Младенов.
Тој смета дека сме сведоци на повеќедецениски молк зa македонските Бугари во политичките, академските и медиумските кругови во Македониjа, како по време на Титова Југославијa, така и по време на повеќепартизмот. Како што вероjатно, ви е познато, вели тој, во последниве неколку години во извештаите на Европскиот парламент последователно и категорично се препорачува на властите во Македониjа да престанат со политиката на дискриминациjа на сопствените граѓани кои отворено го изjавуваат своето бугарско етничко потекло.
„За жал, таа препорака упорно се игнорира, и освен тоа е придружена со жестоки антибугарски политички и медиумски кампањи, во кои на секоj коj што отворено ќе го изрази своето бугарско етничко потекло во наjмала рака му се прилепува етикетата на „предавник, изрод или отпадник“. Во подрастичните случаи свидетели сме на политички диригирани гонења од работа, монтирани судски и политички процеси, физички напади во кои сторителите никогаш не се пронаоѓаат од органите на редот итн.“, пишува во писмото од Младенов до Бучковски.
Младенов истакнува дека меѓу приоритетите на Клубот се владеењeто на правото, стабилните институции, слободата на медиумите, продлабочувањето на демократиjата и мултиетничкото општество, што поскоро разрешување на спорот за името со Грциja и потпишување договор за добрососедски односи со Бугариja. Сето тоа, како што вели, „го правиме со цел за поскоро интегрирање на нашата Татковина кон евроатлантското семеjство“.
За реализирањето на горенаведените благородни цели, БККС има готовност да соработува со сите субjекти во општеството, кои искрено jа споделуваат истата демократска кауза и сакаат да постигнат подобро граѓанско општество, порачува Младенов во писмото до Бучковски. Редактирано от SashetoBT на 22.11.13 13:09.
|