Re: Љобчо ги прашува / Политика, Свят / Македония

Љубчо Георгиевски со многу незгодно и контроверзно писмо до Стојан Андов и генерал Тодор Атанасовски
Четврток, 17 Октомври 2013

LjubcoGeorgievskiProfil

Многу интересна дебата се разви во неделникот Фокус иницирана од колумните на Стојан Андов и генералот Тодор Атанасовски за текот на втората светска војна на просториите на Македонија и улогата на партизаните во ослободувањето на Македонија. На овие колумни екс премиерот и лидер на ВМРО ДПМНЕ им реплицира со интересно писмо во минатиот број на неделникот на кое во најновиот број кој веќе излезе во продажба ќе следи одговор и од Стојан Андов и од генералот Атанасовски.

Еве го писмото на Љубчо до Андов и Атанасовски:

Како редовен читател на вашиот венсик Фокус, со внимание ја следам полемиката меѓу господинот Стојан Андов и генерал Тодор Атанасовски за улогата на ВМРО во време на втората светска војна. Аргументите што беа изнесени се веќе добро познати од официјалната југословенско-македонска комунистичка историографија. Но моето писмо не е да полемизирам за улогата на ВМРО. Она што сакам е да ги замолам поттикнам или да ги охрабрам овие двајца ценети колумнисти и познавачи на македонската политичка историја, да ми дадат едно друго објансување, за што многу малку мое да се прочита во Македонија.

Вистинското прашање од втората светска војна, за кое сеуште немаме дбиено објаснување според мене, е следново: Зошто македонските комунисти веднаш по бугарската окупација едногласно се отцепија од КПЈ и се приклучија кон БКП?

Дали тоа беше лична и приватна одлука на Методија Шаторов или пак тоа беше едногласна одлука? Зошто македонското паритзанско движење беше најслабо во споредба со сите социјалистички републики на Југославија, за што многу често ни се потсмеваа? Зошто и покрај смената на првиот состав на пробугарски орентираните комунисти, имаше потреба од КПЈ да испратат инструктори за да организираат револуцуонерно движење во Македонија, од кои најпознат беше Темпо?

Зошто истиот тој Темпо, во голем број свои изјави и писмени и документирани телевизиски емисии, македонските комунисти многу често го карактеризира со епитетот пробугарски и дека многу често ги чувствувал како непријатели? Зошто Темпо изјави дека од Штип на исток воопшто не постоел револуционерно движење? Зошто Душан Чкребич кој е истакнат српски комунист, во едно телевизиско интервју за РТС изјави дека неговиот колега Лазар Колишевски спречил македонските комунисти целосно да се приклучат кон бугарската комунистичка партија, со што дефинитивно Македонија неповратно ќе станела дел од бугарската држава?

Ова се само дел од прашањата кои се надевам дека овие две ценети личности нема да ги доживеат како провокација, туку навистина сакам да прочитам нивно видување за овие настани.

На таа тема можам да го надоврзам и прашањето: зошто во Првата светска војна, целата македонска левица доброволно се вклучи во подршката на бугарската окупација на Македонија? На пример, Ѓорче Петров беше назначен за бугарски градоначалник во Прилеп, а Димитар Влахов за бугарски градоначалник во Призрен.

Или пак добро е да се објасни зошто 95 отсто од членовите на ВМРО Обединета, за кои е малку познато дека беа целосно лево ориентирани , во исто време бе ачленови на Бугарската комунистичка партија?

______________________________________________________________________
______________________________________________________________________

Љубчо не работи за да го бутне Грујота, он исправа криви дрини стари 100 години
Четврток, 17 Октомври 2013

Љубчо не работи за да го бутне Грујота, он исправа криви дрини стари 100 години Саше Ивановски

Основач, сопственик и уредник на порталот Мактел.мк

Саше Ивановски

Пред неколку дена напишав колумна во која го повикав Љубчо Георгиевски ако ја сака Македонија и македонскиот народ во што воошто не се сомневам, тој треба да си поднесе оставка на лидерската позиција во ВМРО НП и да се повлече од политиката и да продолжи како колумнист, аналитичар, стратег, интелектуалец. Во полилитиката тој е радиоактивен материјал, како плутониум, опасен по политичкото здравје.

И тој се чини веднаш ја потврди мојата теза. Во неделникот Фокус тој започнал жестока дебата за тоа на која страна биле партизаните во втората светска војна, на која страна биле комитите во првата светска војна и тука ставајќи акцент на онаа старата приказна дека ние у бугарите сме браќа.

Работата на политичарите кои сакаат да добијат власт е да внимаваат на својот личен рејтинг во јавноста. Работата на интелектуалците, новинарите, колумнистите е да отвараат забранети теми и прашања, да разбиваат табуа, да пишуваат контроверзни тези и теории да се борат со јавноста со реакциите, но политичарите мора да бидат многу повнимателни на тоа поле. Кога веќе решиле да промовираат контроверзни теми тогаш би требало да вложат на тоа прашање време, пари, напор за да тие тези успеат да ги промовираат и минимално да ги одбранат тие тези.

Во 2013-та во оваа Македонија денеска да отвораш такви контровезни прашања како тоа дека ние сме биле исти со Бугарите и тие прашања да ги отвораш преку писма во весници е толку лесна мета за отстрел, што е еквивлентно на оние сафари потери на слоновите во Африка кои ги ловат од џипови у движење со пушки со калибар 200 на растојание од 20 метра од слонот кога да го промашиш газот на слонот е речиси невозможно!

Како само Љубчо мисли да излезе на избори после вакви контроверзи и да пробува да добива гласови? Кога од другата страна има пропаганда од 10 телевизии 10 радија 10 весници 20 портали и милион плакати и брошури и летоци?! Па има да го сотрат, ќе го здробат ќе го исцепат како свиња мрсан џак (најлонска вреќа) !

СДСМ мора под итно да ја раскине коалициската соработка со Љубчо, тој на избори ќе носи многу негативни поени за опозицијата. Љубчо не се однесува како еден од лидерите на опозицијата туку како амбасадор на Бугарија во Скопје или како директор на бугарскиот културен центар во Скопје. Ја немам ништо против, јас лично многу ги сакам Бугарите но сега во 2013-та таа приказна е завршена, агендата на Софија кон Македонија во моментов е невидена глупост и треба да се осуди од сите разумни луѓе! Се друго е де факто национално предавство!