Дарко Митревски сака да снима филм за Мис Стон

Режисерот работел паралелно и на проекти за детството на Мајка Тереза и на еден американски трилер, за кој во моментов пишува сценарио

Режисерот Дарко Митревски сака да снима филм за Мис Стон или за детството на Мајка Тереза или американски трилер, за кој во моментов пишува сценарио. Ова го открива Митревски во интервју за гласот на Америка на македонски јазик, од фестивал во Палм Спрингс, каде "Трето полувреме" се прикажуваше минатите денови. Новост е и што "Трето полувреме" по проекциите низ Америка ќе го гледаат и во Австралија, за каде е склучен договор за прикажување. Во тек се преговори за дистрибуција во САД и Канада.

Митревски повторно говори и околу проблемите со кои се соочи овој филм, во однос на Бугарија, и, како што вели тој, ЕУ.

Мислам дека овој филм не е проблем на Македонија. Никаков. Ова е македонски филм, но не е наш проблем. Дали е тоа проблем на Бугарија? Веројатно да, доколку Бугарија не може да се соочи со сопственото минато и со некои темни дамки во него. И, секако, е проблем на Европската унија. Ако ЕУ себе си се смета за федерација во која е можно попречување на цела една земја и цела нација заради уметничко дело, кое, меѓу другото, кажува стопроцентно потврдени, проверени факти - не од македонски и бугарски, туку од светски - американски и европски авторитети - тогаш Македонија не е таа што има проблем, туку ЕУ", вели Митревски од фестивалот во Палм Спрингс каде филмот се прикажуваше деновиве.

Съдържаниет е скрито
Влезте за да го видите