Стечајниот управник Тамбурковски, според наодите на УЈП, во овој период само на фирмата "Топинг" од Скопје и продал 220 тони олово и 14 килограми злато за 500.000 евра. За овие продадени количини метали постојат испратници, но, за овие, како и за другите продажби, нема фактури со што стечајниот управник свесно избегнал да ги плати давачките за државата. Покрај ова, "за наводни" авторски права за иновации, Тамбурковски подигнал 165.000 евра кои не се знае како и за што се потрошени. И за овие пари исто така, Тамбурковски не платил ДДВ.

Во решението од УЈП стои дека дел од парите од продадените метали и други производи биле дадени како надомест на стотината работници ангажирани околу одржувањето на машините и постројките во Топилницата и во фабриката за вештачко ѓубре. Другите пари каде и на кого ги дал Тамбурковски, не се знае. За продажбата на металите, тогашниот стечаен управник Владислав Тамбурковски имал дозвола од Одборот на доверители и од стечајниот судски совет, меѓутоа, ниту едните, а ниту пак другите, не знаеле дека тој не ги подмирувал давачките кон државата.

УЈП со решението го задолжува новиот стечаен управник на МХК "Злетово" Радослав Кипровски да ги подмири неплатените 34 милиони денари персонален данок и ДДВ.
---
И сега сте го осъдили на ефективен затвор защото е избрал да плати заплати вместо да внесе ДДС и ДОД? Бе вие наистина преследвате българите по етнически признак...