Современ, модернизиран „Александар Велики“ огледало на Македонија

Без срам, со гордост од денес ќе се пречекуваат странците во земјава. Новиот лик на аеродромот „Александар Велики“ современ, модернизиран, високо - технолошки опремен ја менува сликата за Македонија.

Лидер на Балканот и најголем транспортен центар во регионот - новиот аеродром „Александар Велики“ пуштен во употреба. На церемонијата присутни македонскиот државен врв, првите луѓе на концесионерот турски ТАВ, турски и домашни бизнисмени.

Ветивме и исполнивме за 20 годишната независност на Македонија ја завршиме инвестицијата, изјави извршниот директор на ТАВ Холдингот.

Економскиот пораст е важен индикатор за вложување во аеродромската инфраструктура. Во тоа вдрвувавме и веруваме, се појавивме на тендерот, а и покрај притисоците на светската економска криза го спроведовме проектот за модернизација на аеродромите и го исполнивме ветувањето тоа да биде пред Денот на независноста изјави, Мустафа Сами Шенер – извршен директор на ТАВ Холдинг.

Договорот со ТАВ е најсложениот проект од економски и правен аспект кој двете страни го реализираа. За премиерот Груевски 6 ти септември ќе остане запаметен како датум кога е заокружен еден од најголемите инфраструктурни проекти.

„ Аеродромот нуди подобри услови и комоција за патниците, можност за поголем трансфер низ светот кој треба да ја подобри комуникацијата, трговијата и економијата во земјава“, рече Никола Груевски, претседател на Влада на Р.М.

„Со новиот аеродром концесионерот ТАВ ќе управува дваесетина години. Десет пати поголем од стариот, со шест патнички пристапни мостови, 23 места за чекирање, шест ескалатори и девет лифтови, карго терминал, нова терминална и административна зграда, поголем паркинг“, изјави Миле Јанакиески, министер за транспорт и врски.

Минатата година ТАВ инвестираа 10 милиони евра во модернизација на охридскиот аеродром.

Маја Дамјановска

06.09.2011, 18:44

Съдържаниет е скрито
Влезте за да го видите