|
Novinata chrez prizmata na makedonskite medii :
Спаска Митрова си ја врати ќерката
Заврши ли четиригодишната македонско-бугарска сага за малечката Сузана?
Гордана Дувњак
Скопскиот Апелационен суд и' го врати старателството на гевгеличанката Спаска Митрова, која во 2009 година помина три месеци в затвор поради непочитување на судската одлука за регулирање на родителските права со поранешниот сопруг.
Жалбениот суд ја потврдил пресудата на гевгелискиот суд за одземање на старателството од таткото Воислав Симиќ, со што пресудата станува правосилна. Неофицијално дознаваме дека одлуката е донесена во почетокот на февруари и веќе е испратена до Основниот суд во Гевгелија, но се' уште не е стасана до странките. Ова е втор пат како скопскиот Апелационен суд се произнесува за овој случај откако претходно го врати на повторно одлучување решението на понискиот суд, кој досуди во корист на таткото. Малечката Сузана, која во средината на февруари наполни четири години, моментално се наоѓа кај таткото, а гледањето со мајката за разлика од порано, се одвива без проблеми.
Да не беше во прашање Спаска Митрева - репресираната Бугарка од Македонија и меѓународните размери што ги доби овој случај, оваа вест не би имала никакво значење да се најде на страниците на весникот. Бидејќи навлегува во приватноста и е само еден од многуте случаи од семејното право.
Но, кога случајот ќе добие такво медиумско внимание, а веста ќе ја соопшти никој друг, туку членот на Европскиот парламент од Бугарија, од националистичката Атака партија, Димитар Стојанов, има сосема друга димензија. Особено ако мајката е личен советник на европскиот пратеник, а лани е избрана за „жена на Бугарија“.
Стојанов ја оцени одлуката на скопскиот Жалбен суд како „голема победа на Бугарите во Македонија“ и додаде дека девојчето многу брзо ќе и' биде вратено на мајката. Тој укажал и на недоличното однесување на Центарот за социјални работи. Се пофалил и дека неговата партија ќе продолжи во битката за правата на Бугарите во Македонија. Спаска Митрова, пак, коментирала дека ова е крај на четиригодишната сага и изјавила дека „правдата е, конечно, задоволена“.
Правниот застапник на Митрова, скопскиот адвокат Шпенд Деваја, вчера за „Утрински весник“ ја потврди оваа вест, но нагласи дека се' уште официјално не ја добил пресудата.
„Колку што ми е познато, одлуката е веќе препратена до гевгелискиот суд и очекувам најдоцна до крајот на оваа недела да ја добиеме“, потенцираше Деваја. Тој вели дека одлуката е прависилна и оти ќе мора да се спроведе, што значи, детето да се врати на мајката.
„Добро ќе ја проучиме пресудата и што било пресудно при одлучувањето на судиите. А откако ќе го направиме тоа, во договор со таткото ќе поднесеме вонреден правен лек-ревизија до Врховниот суд“, ни изјави гевгелискиот адвокат Васил Џинов.
Ниту неговиот клиент Воислав Савиќ, а уште помалку Спаска Митрова, вчера не беа достапни за коментар.
Прашање е дали со ова ќе се стави крај на овој случај. Афера, која своевремено ги разбранува духовите во двете земји и ја проблематизира ефикасноста на судскиот систем во Македонија, кој како што тврдеше нашиот источен сосед, наводно, бил „репресивен кон нивните граѓани“.
*************************************************************************************************************************************************************
Статијата е прочитана 597 пати.
Испрати коментар
Од: Pravedna odluka
Датум: 24.02.2011 12:33:24
Ova e uste eden dokaz deka gevgeliskiot sud bil nepravicen i neobjektiven. Sekade se znae deka majkata ima predimstvo pri odreduvanje na staratelstvo na malo dete , sem vo Gevgelija. Toa sto Spaska zela Bugarsko drzavjanstvo nema nikakva vrska so sudskiot predmet, Medjutoa toa ne vazi za Gevgeliskiot sud Inakum kolku da vi e jasno jas su Makedonec i nemam bugarsko drzavjanstvo, niti pak ja poznavam ni podrzuvam Spaska , no vistinata i pravdata mora da se kaze cesno i posteno..
******************************************************************
Facit: Ako raztreseme po-silno kambanata znachi ima koj da chue !
Da bides denes bugarin vo R. Makedonija e prasanje na intelektualen predizvik.
|
Re: Спаска Митрова победи [re: antikomunist]
