|
Граѓаните оптимисти дека за три години ќе влеземе во ЕУ
Точно 21,6 отсто од граѓаните мислат дека Македонија ќе стане членка на ЕУ во следните пет години, 14,8 отсто за 10 години, а 11,1 отсто сметаат дека тоа нема никогаш да се случи
Триесет и два проценти од македонските граѓани сметаат дека Македонија ќе стане членка на Европската Унија за две-три години. Ова го покажуваат резултатите од телефонската анкета на Институтот за политички истражувања, работена во почетокот на месецов со 1.100 испитаници, а по барање на Секретаријатот за европски прашања. Според неа, точно 21,6 отсто од граѓаните мислат дека Македонија ќе стане членка на ЕУ во следните пет години, 14,8 отсто за 10 години, а 11,1 отсто сметаат дека тоа нема никогаш да се случи. На прашањето не одговориле 20 проценти од испитаниците.
Дека нашето влегување во ЕУ најпозитивно ќе влијае врз развојот на економијата одговориле 28,8 отсто од испитаниците, додека 16,9 проценти очекуваат да влијае врз квалитетот на животот, а 11,9 отсто - кај странските инвестиции. Точно по 11,1 проценти за испитаниците одговориле дека влегувањето во ЕУ најпозитивно ќе влијае за намалување на невработеноста и стабилноста.
Анкетата покажала дека три четвртини од македонските граѓани се за интеграција на државата во ЕУ, а повеќе од половината сметаат дека Македонија веќе е подготвена за тоа. Ако идната недела се одржи референдум за влегување на земјата во европското семејство, „за“ би гласале 75,1 отсто од анкетираните, 10,1 би се определиле „против“, 7,4 сé уште не знаат како ќе гласаат, а 2,3 отсто нема да гласаат. На ова прашање не одговориле 5 проценти од испитаниците.
За 49,6 отсто од испитаниците, главна причина зошто би гласале за интеграција во ЕУ е унапредувањето на животниот стандард, за 33 проценти - намалување на невработеноста, а за 10 проценти унапредување на демократијата. Најголем број од оние што се против членство во ЕУ одговориле дека со тоа ќе се загуби националниот идентитет и ќе се влоши животниот стандард.
Дека Македонија е подготвена за членство во ЕУ сметаат 54,8 отсто од испитаниците, а 35,2 отсто имаат спротивен став.
******************************************************************
Primer za chisto propagandna makedonisticka jurnalistika i napolno izmislena statija !
"Kazhi mi kazhi narode, koj li te v taz robska ljuljka ljuljee..."
Da bides denes bugarin vo R. Makedonija e prasanje na intelektualen predizvik.
|
Граѓаните оптимисти дека за три години ќе влеземе
