Груевски има време за Папандреу! / Политика, Свят / Македония

Груевски се јавил, Папандреу предложил средба

29.10.2009 10:44
Груевски - Папандреу

Македонскиот премиер Никола Груевски денеска во Брисел ќе има средба со грчкиот премиер Јоргос Папандреу на маргините од состанокот на Советот на ЕУ.

Телефонскиот разговор меѓу премиерот Груевски и неговиот грчки колега Папандреу, бил остварен на барање на Груевски, кој освен што му ја честитал победата на изборите изразил и надеж дека Македонија и Грција ќе најдат заеднички прифатливо решение за името.

На ова, според изворите на А1, Папандреу го прашал Груевски до кога е во Брисел, на што македонскиот премиер одговорил дека останува таму. Папандреу веднаш му предложил средба на Груевски, која тој ја прифатил.

Во моментов се договара форматот на средбата но, извесно е дека и двајцата премиери ќе излезат со заедничко соопштение или со заеднички брифинг за новинарите.

Како што дознава А1 Телевизија, средбата ќе се одржи попладнево околу 17 часот.

Дирекната порака која вчера во Брисел од еврокомесарот за надворешна политика Хавиер Солана ја доби премиерот Груевски беше дека ЕУ сака да види што е можно поскоро решение за името, по можност без референдум.

Груевски се наоѓа во Брисел, каде што присуствува на состанокот на Европските народни партии, додека Папандреу учествува на состанокот на ЕУ.

--------------------------------------------------------------------------------------------------

Ха сега да видим какво име ще "прифати" .... ѓΩRNъ?

3, 2, 1, ...