|
Еййй, бугарските фашистички окупатори бая семе са хвърлили 1941-44 година ..
НАЦИСТИЧКАТА ИДЕОЛОГИЈА ПУШТА КОРЕН И ВО МАКЕДОНИЈА
Скинхедси и во Македонија
Меѓу македонските тинејџери се повеќе се шири националсоцијалистичката идеологија, а нејзините приврзаници наречени скинхедси, со избричени глави и со препознатлив стил на облекување се почесто може да се видат и во средните училишта. Македонските неонацисти имаат свои интернет-странци и блогови, а на видеопорталот „ју тјуб“ веќе поставиле неколку видеоснимки на кои ги прикажуваат своите активности, симболи и пароли. Македонски скинхедси, со избричени глави поздравуваат во стилот на нивниот идеолошки лидер Хитлер. Нивната идеологија е екстремно националистичка, се залагаат за протерување на малцинствата и против правата на маргиналните групи, Ромите, социјалните случаи и слично. Радикално се настроени и кон Грција поради спорот со името, како и против Албанија и Албанците во Македонија. На блогот „нсмакедонија“ може да се сретнат и слогани и содржини со остри напади врз комунистите. Својата организација ја нарекуваат „Македонски национален фронт“, а нивни слогани се „Обединета Македонија“, „Бела моќ“ и слично. Неонацистички графити, со нивниот симбол свастика, често се среќаваат по градските ѕидови, па и во училишните дворови. Таа појава е најчеста во Битола, каде што се случува повремено да бидат вандализирани и еврејските гробишта. Битолската гимназија неодамна спровела акција за бришење на графитите, но тие повторно се појавуваат. - Повеќе од четири години ги бришеме прекршените крстови од фасадите. Најчесто тоа го правиме навечер бидејќи се плашиме да не не видат нацистите. Сме реагирале и до Општината, но оттаму не преземаат ништо - велат битолчани, на кои им пречат обележјата на Хитлер. Во битолската чаршија се зборува дека неонацистите идеолошки се добро потковани и начитани, дека се организирани во групи од десетина членови и дека нивниот број постепено се зголемува. Наводно, тие лесно ги врбуваат тинејџерите кои во потрага по својот идентитет се впуштаат во нешто сосема непознато. Освен во Битола, обележја на македонските нацисти може да се видат и во Охрид, Велес, Штип, како и во повеќе скопски населби. Ѕидовите на зградите во скопската населба Влае веќе подолго време се украсени со свастики, а никој не презема ништо за да ги избрише. Во средните училишта може да се видат ученици со избричени глави, со маички и беџови на музички групи кои се поврзуваат или пропагираат нацистичка идеологија. Професорите најчесто и не знаат какво значење има правецот „ОИ“ или групите како „Форскинс“, „Блејдс“, „Спешлс“, „Агностик фронт“, чиишто маички носат учениците. Директорите на тие училишта велат дека станува збор за „изолирани случаи, кои ги има се помалку“. И социолозите сметаат дека неонацизмот меѓу македонските тинејџери е релативно ретка појава. - Во потрага по својот идентитет младите сакаат да бидат на другата страна од она позитивното, да бидат различни и затоа посегнуваат по такви работи. Тие повеќе се идентификуваат со неонацистите во психолошка смила, отколку во идеолошка. Кај младите се јавува потребата за нешто екстремно, да се биде во центарот на вниманието, но таа појава нема широки размери кај нас. Нормално е за една средина да има појава на оваа супкултура - вели социологот Илија Ацевски. За првпат македонските нацисти јавно се појавија пред пет години на еден ракометен натпревар во Кавадарци, кога истакнаа знаме со свастика. Полицијата не презеде ништо, а поради тоа Македонија доби критики во извештајот за антисемитизмот што секоја година го издава Стејт департментот на САД. Пред две години на интернет се прошири информација дека македонските скинхедси ќе организираат марш во Битола, но откако информацијата излезе во јавноста, маршот беше откажан.
Секој дваесетти тинејџер - нацист
Секој 20. тинејџер во Германија е член на некоја неонацистичка група, а секој 10. користи симболи на неонацизмот во облеката или во музиката, покажала една студија на германскиот Институт за истражување на злосторства, спроведена во текот на 2007 година и 2008 година.
Најмногу неонацисти има во поранешната Источна Германија, каде што секој осми тинејџер е член на некоја таква група или организација. Според германските медиуми, процентот на вклученост на тинејџери во неонацистички групи е поголем во однос на нивна вклученост во политичкиот живот. Многу политичари стравуваат дека овој тренд ќе јакне поради се поголемата невработеност и светската криза.
Дера и попарвам прасета, свалям кожи и ципи. Предалагам бастуни за окачване!
|
Еййй, буг. фашистички окупатори бая семе са хвърли