Нападнат уредник на бугарска Интернет страница

Софија /23/09/ 13:28

<!--[endif]--> Непознати лица, синоќа во Софија, нападнаа и тешко повредија главен уредник на една информативна Интернет страница, соопшти бугарската полиција.

Огниан Стефанов (54), главен уредник на страницата www.frognews.bg, го претепале четворица мажи маскирани во црно и вооружени со чекани додека со сопругата излегувал од ресторан.

Тој веднаш бил хоспитализиран со тешки повреди на главата, и скршени нозе и кичма, прецизираа претставници на Воената болница.

Се претпоставува дека Стефанов е одговорен и за една анонимна страница, www.opasnite.net63.net., иако тој ја негира оваа информација.

Оваа страница објавува обвинувања во врска со корупцијата во која се вмешани високи претставници на власта, како и критики на сметка на полициски офицери и сомнителни бизнисмени./крај/ме/ис