|
|
| Тема |
 СЕМАКЕДОНСКА СРЕДБА ВО БИТОЛСКО ТРНОВО [re: demokrativcev] |
|
| Автор |
alternativnov (новак) |
|
| Публикувано | 28.07.08 22:05 |
|
|
|
Грција - змија во пазувите на Европа
Егејските здруженија потсетија дека има земји во Европа кои и денес немо ја следат нашата нова голгота и бараат да се откажеме од себеси
На средбата по 28-пат се слушна плачот на стотици Македонци што беа протерани од Грција
Европа во своите пазуви чува змија-отровница и лошо и' се пишува ако ја чува во своите редови, порача Никола Костурски, претседател на Организацијата на заедниците на етничките Македонци протерани од Егејска Македонија, на традиционалната семакедонска средба што се одржа вчера во битолското село Трново. Европа треба што поскоро да ја вразуми Грција и еднаш засекогаш да и' каже каде и' е местото и дека мора да ги почитува човековите права - рече Костурски.На средбата по 28-пат се слушна плачот на стотици Македонци што беа протерани како деца, а ни денес како старци, на крајот од животниот век, немаат право да ги посетат родните огништа.
- Пред години бев во родното село Герман, во преспанскиот дел на Грција. Ми се стегна душата, се' беше распаднато. Морав да ги лажам мештаните дека не сум Македонец, за полицијата да не ги малтретира и да не не' истера. Одвај ја најдов куќата во која сум се родил. Ја напуштив гол и бос на десет години, а кога се вратив, беше претворена во штала, полна сено - низ солзи раскажа 70-годишниот Тодор Кајчевски, кој по егзодусот заминал за Канада.
Волкот се жали од јагнето дека му ја мати водата. Со овие зборови претставниците од Конференцијата за координација на егејските здруженија ја прикажаа иронијата на политиката што Грција ја води против помалобројната и посиромашна Македонија, прикажувајќи ја како опасност за нејзината безбедност. Тие напоменаа дека не го заборавиле ни придонесот на одделни европски држави, кои дозволиле распарчување на нивната родна грутка. Има земји во Европа што се изворни предизвикувачи на македонската голгота, кои наполно ја познаваат нејзината историја, зашто беа нејзини модератори. Тие денес немо ја следат новата македонска голгота како продолжение на онаа од 20 век и не' упатуваат да најдеме компромис за името, со што ќе се откажеме од себеси - истакна Методија Тошевски, претседател на Конференцијата.На ова се надоврза архимандритот Никодим Царкњас, посочувајќи дека Грција не може да и' кумува на Македонија, затоа што не може да го порекне постоењето на македонскиот народ.Таа виде во своите архиви уште од 1921 година дека за нашиот народ е запишано дека тие луѓе не знаат да зборуваат грчки, туку македонски јазик и дека ова е македонски народ. Грција да престане како пиле да ја крие главата и со Македонија да најде решение за да живеат како добри комшии - додаде Царкњас.Министерот за надворешни работи Антонио Милошоски ги удостои протераните Македонци со своето присуство на собирот во Трново. Ја имате и ќе ја имате поддршката од Владата и од нејзините институции, зашто почитувањето на човековите права, залагањето за нив и помагањето тие да се остварат за нас не се предмет на калкулација, туку принцип на нашата политика - изјави Милошоски.Во попладневните часови учесниците на средбата се префрлија на граничниот премин Меџитлија, каде што грмнаа тапани и гајди со цел македонската свирка да се слушне до нивните родни села од другата страна на државната граница. Културната „блокада“ на граничниот премин траеше два часа.
Жанета Здравковска
Спомен-плоча на велешани загинати во ДАГ
Велес - Во Велес беше откриена Спомен-плоча во чест на 60 години од загинувањето на стотина велешани учесници во Граѓанската војна во Грција. Тие заминале како доброволци на страната на Демократската армија на Грција, а не се вратиле во родниот град. По овој повод беше одржана и панихида во манастирот „Св. Димитрија“ на која чиноначалстуваше архимандритот Никодим Царкњас. Тој на бројните присутни гости им порача дека Грците кога-тогаш ќе мора да го признаат македонското малцинство, но и да ги вратат или обесштетат загубените имоти. Организатор на одбележувањето беше здружението „Ѕвезда“ на Македонците од Егејскиот дел на Македонија кои живеат во Велес. (С.К.Н.)
Oва е българ а не Бугар
| |
| |
| 
|
|
