|
|
| Тема |
 Re: dali nekade ima zapishano ......... [re: Eks] |
|
| Автор |
alternativnov (непознат
) |
|
| Публикувано | 26.07.08 21:43 |
|
|
|
САД во Арачиново ги поддржале албанските востаници
Во борбите помеѓу македонската војска и албанските бунтовници Албанците биле придружувани од група од 17 Американци, воени советници во служба на МПРИ
Минатата година, Соединетите Американски Држави во тајност им давале поддршка на албанските востаници во Арачиново, и покрај тоа што, официјално, НАТО беше непристрасен. Ова минатата недела го пренесе програмата Аргос на холандското радио ВПРО, тврдејќи дека имала увид во документите на тајните служби на европските земји-членки на НАТО. Во борбите помеѓу македонската војска и албанските бунтовници во македонското село Арачиново, минатиот јуни, Албанците биле придружувани, според Аргос, од група од 17 Американци. Тие биле, тврди радиото, воени советници во служба на МПРИ (одбранбена фирма од Вирџинија, во служба на американската Влада).
Конфликтот во Арачиново лани доби големо медиумско покривање кога "на албанските бунтовници, кои беа притиснати од македонската војска, од страна на НАТО им беше овозможено во автобуси и под придружбаа на НАТО, да го напуштат селото. Таа одлука предизвика масовни протести кај македонското население", јави радиото.
Според соработникот на Институтот Клингендал (Холандски институт за меѓународни односи), Роб де Вајк, кој добил пристап до тајните извештаи, присуството на американските советници "фактички значи дека САД во тоа време ја избрале страната на востаниците". Според Де Вајк, САД веројатно имале цел "македонската војска да ја стават под притисок" и на тој начин "да ја присилат Владата на отстапки во однос на Албанците".
Поранешниот дипломат Макс ван дер Штул, кој повеќе години интензивно се занимаваше со Македонија, рече дека веста за американската поддршка на востаниците ја смета за многу неверодостојна. "САД, заедно со ЕУ и НАТО, одиграа голема улога во решавањето на кризата во Македонија."
МПРИ беше недостапна за коментар. На интернет-страницата на фирмата може да се прочита дека од 1998 година, МПРИ и "помага на Македонија во подобрувањето на капацитетот на нејзината мала војска".
| |
| |
| 
|
|
