Бугарска двојка продавале бебе за 32.000 евра


Сопружници од Бугарија биле уапсени во Грција додека се обидувале да го продадат своето тримесечно бебе за сума од 32.000 евра, јави грчкото радио Скај. Бугарите биле приведени од полицијата во Кукуш. Двајца полициски инспектори работеле тајно на задачата. Тие стапиле во контакт со сопружниците од Бугарија, преправајќи се дека сакаат да купат бебе. Понудиле 32.000 евра за тримесечниот син на бугарските државјани. Овие пак ја прифатиле понудата, а кај уапсените биле најдени претходно обележаните евра, се вели во информацијата.