Мајка ја терала ќерката да се проституира

17.07.2008 19:22
Самохрана мајка ја принудувала својата малолетна, 14-годишната ќерка да се проституира.
Девојчето било принудено да дава сексуални услуги за пари на 62-годишниот Трајче Ефтимов од светиниколското село Долно Ѓуѓанци и 40-годишниот Раде Петровски од селото Ергелија.
Мајката на девојчето работела во фирмата на Ефтимов, а нејзиниот работодавач во неколку наврати, заедно со Ефтимов, сексуално го малтретирале девојчето.
„Едниот им е и поблизок роднина и под изговор дека се грижи, ги згрижува привремено во неговиот дом, ја користел сета таа околност што семејството е незгрижено и нема основни средства за егзистенција“, рече Снежана Станева, портпарол на СВР Штип.
Случајот во полиција го пријавила една од помалите сестрички на девојчето. Ефтимов и Петровски се притворени и против нив е поднесена кривична пријава за полов напад врз дете.
Мајката е на слобода, но се терети за подведување и овозможување полови дејства и запуштање и малтретирање на својата ќерка.

http://www.a1.com.mk/vesti/default.aspx?vestID=9540

Съдържаниет е скрито
Влезте за да го видите