21.07.2008 16:44
Македонската дијаспора започна лобирање за почитување на правата на македонското малцинство во соседните држави, особено во Грција.

Минатата седмица, претставници на Обединетата македонска дијаспора и деца бегалци биле во посета над 150 американски конгресмени кои ветиле поддршка.

„Повеќето од тие конгресмени, сенатори ни дадоа потврда дека нема да го поддржат грчкиот став и евентуално ќе поддржат група на пријателство во конгресот, што сега е во процедура на формирање, па се надеваме после изборите“, изјави Методија Колоски, Обединета македонска дијаспора.

Македонските иселеници побарале поддршка за зачувување на уставното име од претседателот Бранко Црвенковски.

„Ја поддржуваме државата да го зачува уставното име. Дијаспората во Австралија не сака додавки и некои префикси на нашето име. Ние сме Македонци и ќе останеме Македонци, ова ни е татковината и сакаме така да остане“, рече Зак Миленковски, Обединета македонска дијаспора.

Шефот на државата на крајот од четвртата Светска средба прими делегација на децата бегалци од Егејска Македонија.

Тие од Црвенковски добиле целосна поддршка за нивните барања за враќање на имотите во Грција.

„Македонската држава после толку години официјално го третира прашањето на остварувањето на нашите права како дел од државната политика. Наскоро очекуваме резолуцијата да биде усвоена во Парламентот “, вели Ѓорѓија Јановски, дете бегалец.

Делегација на децата бегалци денеска положи цвеќе пред споменикот на Крсте Петков Мисирков.

Съдържаниет е скрито
Влезте за да го видите