|
Чуварот на идентитетот с поредния си шедьовър. Гениалец! Статията е по повод алманаха "Македония", обаче в нея пише за всичко друго, но не и за самия алманах.
Антимакедонски поход на Софија кон Европа
Виктор Цветаноски
Немоќната Македонија, сардисана од сите страни, доживува нови негирања. Апетитите на соседите кон нејзиното минато никако да стивнат. Како историјата одново да ни се повторува. Најновите удари доаѓаат од Софија, која, очигледно, започна систематска антимакедонска кампања. Кога мислевме дека, конечно, со нејзиното влегување во друштвото на државите на демократска Европа ќе ја научи лекција за почивување на сечија слобода и право на сопствен идентитет и минато, во тој однос и на правото на Македонците да се чувствуваат она што се, таа се однесува поагресивно отколку во времето на Тодор Живков, кога луѓето можеа да кажат дека се Македонци без да бидат прогласени за предавници на бугарската кауза, како што ги нарекуваат сега.
Напоредно со тортурата што ја врши врз нив, Софија започна да и' докажува на Европа за наводниот бугарски карактер на Македонија. Наивно е да се мисли дека преобјавувањето на алманахот „Македонија“ е личен каприц на националистот Красимир Каракачанов и на неговата партија за да покажеле дека Македонците биле Бугари. Нема сомневање дека зад него стои официјална Софија, зашто она што сега го тврди Каракачанов пред него го рече Георги Прванов. Тие што внимателно ги следат македонско-бугарските односи, сигурно ќе се сетат на неодамнешната изјава на првиот човек на државата кога се закани, Македонија да престане да ја краде нивната историја, мислејќи на македонското минато кое го смета за бугарско.
По неговата изјава, не случајно, непосредно пред Самитот во Букурешт, беа обелоденети ставовите на видни бугарски академици, професори и дипломати за бугарската политика спрема Македонија, кои ја прогласија за коминтерновска творба. Притоа, тие побараа Софија да го заостри курсот спрема Скопје за да внимава како се однесува. Нема сомневање, и примерот со бугарските интелектуалци и примерот со националистот Каракачанов не се осамени случаи, туку станува збор за однапред подготвена стратегија да се уцени малата Македонија, според теркот на Грција, и да се натера да клекне на колена, да прави компромиси и отстапки ако сака да влезе во НАТО и во ЕУ.
Софија жестоко ја бие антимакедонската кампања и на сопствен терен, а препораките од Стразбур како да не допираат до свеста на бугарските политичари. Напротив, тоа ги поттикнува да продолжат да ги користат истите сценарија од најцрните денови за Македонците. Човек не може да поверува дека држава која е членка на ЕУ и пледира да биде демократска употребува такви методи за да докаже некоја своја замислена вистина. Полицијата деновиве повикува на некакви информативни разговори сопствени граѓани, кои единствено имаат „вина“ што се чувствуваат Македонци, и газејќи врз нивното човечко достоинство, ги тера да се потпишуваат на празен лист хартија, во различна положба, седечки, простум и клекнати, за да биде сигурна дека потписите на пристапниците за зачленување во ОМО „Илинден“ – ПИРИН биле нивни.
Мора да се признае, на ваквата антимакедонска политика на Софија и погодува и однесувањето на актуелната македонска власт која, намерно или не, влече потези кои се вклопуваат во нејзината стратегија. За прв човек на Македонскиот културен центар ја испрати Доста Димовска, своевремено десна рака на експремиерот Љупчо Георгиевски, кој зеде бугарски пасош, со што на дело го потврди она што го изјавуваше за неговите бугарски корени.
Откако Димовска застана на чело на Центарот, во него не влезе ниту еден Македонец, иако пред тоа тој беше нивното главно сврталиште. Симптоматично е зошто никој од власта некогаш не се запрашал зошто Македонците го заобиколуваат Центарот? Зошто институциите на македонската држава не реагираат на негирањата и сатанизацијата што ја врши Софија врз нив?
|
Антимакедонски поход на Софија кон Европа
