Клубове Дир.бг
powered by diri.bg
търси в Клубове diri.bg Разширено търсене

Вход
Име
Парола

Клубове
Dir.bg
Взаимопомощ
Горещи теми
Компютри и Интернет
Контакти
Култура и изкуство
Мнения
Наука
Политика, Свят
Спорт
Техника
Градове
Религия и мистика
Фен клубове
Хоби, Развлечения
Общества
Я, архивите са живи
Клубове Дирене Регистрация Кой е тук Въпроси Списък Купувам / Продавам 16:53 27.01.20 
Клубове/ Политика, Свят / Македония Всички теми Следваща тема Пълен преглед*
Информация за клуба
Тема „Сонце - коалиција за Европа“
Автор VETO ()
Публикувано03.05.08 20:25  



Европската коалиција „Сонце“ има седум партии



Коалицијата ќе говори за модернизација и побрза интеграција, објавија нејзините лидери

Оливера Војновска

„Сонце - коалиција за Европа“ е сојузот што ќе го предводи СДСМ и кој на предвремените парламентарни избори ќе ги одмери силите со патриотско-портокаловата коалиција „За подобра Македонија“. Називот на европската коалиција, во која заедно со социјалдемократите ќе настапат уште шест партии - НСДП, ЛДП, ЛП, Нова алтернатива, Зелената партија и Партијата на пензионерите, има своевидна симболика дека „сонцето од македонското знаме ќе стане дел од европското соѕвездие“.

На вчерашната официјална промоција на „Сонце - коалиција за Европа“ во Скопски саем, лидерката на СДСМ, Радмила Шекеринска, порача дека државата треба да ја водат одговорни политичари кои имаат храброст да донесат клучни одлуки и да се борат за евроатлантската иднина на Македонија.

Кандидатските листи вчера не беа официјално објавени, но се дознава дека на списоците се главно луѓе кои досега беа во парламентот, а има малку нови личности. Сепак, на изборните листи ги нема досегашните пратеници од СДСМ Никола Поповски, Лазар Китановски, Мери Младеновска-Ѓорѓиевска, Борис Кондарко, Благородна Цветковска, Верица Филипова, Влатко Серафимов, Никола Рилкоски и Слободан Најдовски од ЛДП.

Европска коалиција

Во блокот политички партии предводен од најголемата опозициона партија се:

- СДСМ
- Либерално-демократска партија
- Нова социјалдемократска партија
- Либерална партија
- Нова алтернатива
- Партија на пензионери
- Зелена партија
Според партиски извори, во Првата изборна единица што ја предводи Шекеринска ќе бидат Ристо Пенов од ЛДП, Ѓорѓи Оровчанец - НА, Горан Мисовски од НСДП, Андреј Петров и Илинка Митрева од СДСМ, Емил Кирјас од ЛДП е на осмото место. На добитни места на листата во Втората ИЕ веднаш зад Јован Манасиевски ќе бидат: Горан Минчев и Славица Грковска од СДСМ, Иван Анастасовски - НСДП, Оливер Спасовски од СДСМ, а на осмо место е Ивон Величковски од ЛП. На кандидатската листа во Третата ИЕ, чиј носител е Тито Петковски, се Марјанчо Николов од СДСМ, Андреј Жерновски од ЛДП. Заедно со Зоран Заев, во Четвртата изборна единица ќе настапат Владо Бучковски, Цветанка Иванова, Никола Ќуркчиев од СДСМ, Соња Мираковска од НСДП, Роза Топузова-Каревска од ЛДП, Емилијан Станковиќ од СДСМ. Во Петтата ИЕ, која ја води Јани Макрадули, на погорните места се Весна Бендевска и Томе Чингоски од СДСМ, како и лидерот на ЛП, Стојан Андов. Шестата изборна единица ќе ја води потпретседателот на СДСМ, Игор Ивановски.

Промовирајќи ја изборната коалиција, Шекеринска рече дека е убедена оти Македонија ќе стане ѕвезда на европското знаме. „Не прифаќаме ништо повеќе освен членство во Европската унија и во НАТО. Не' обединија големите проблеми со кои се соочи Македонија без НАТО-поканата. Во изминатите две години Македонија не доби ни датум за преговори со ЕУ. Зад нас се четири негативни европски извештаи и две изгубени европски години. Тоа е моментот поради кој сметавме дека на нашата држава и' е потребен пресврт. Затоа стоиме пред вас со една цел - членство во ЕУ и во НАТО, но не за десет, петнаесет години или одложено на неодредено време, туку да обезбедиме Македонија да ја добие поканата за НАТО и преговори со ЕУ во месеците што следуваат, да го надоместиме пропуштеното и за шест месеци да ги постигнеме овие две крупни цели“, рече Шекеринска.

Притоа, таа појасни дека името на коалицијата е извлечено од Програмата за влез во ЕУ – „И сонцето е ѕвезда“, потсетувајќи дека во 2005 година Македонија го доби кандидатскиот статус. Лидерката на СДСМ рече дека седумте партии ги обединила иста идеја: да ја внесат Македонија во Европа. „Оваа идеја бара знаење, искуство и голема посветеност, но најмногу од се' бара резултати. Ова е коалиција која зад себе може да каже дека имала резултати. Ова е коалиција на луѓе кои работеле макотрпно на овие историски цели за нашата држава. Токму поради тоа, оваа идеја бара и одлучност и желба да се бориме и избориме за доброто на Македонија“, рече Шекеринска.

Според лидерот на НСДП, Тито Петковски, наредните месеци се одлучувачки за иднината на Македонија. Појаснувајќи зошто НСДП е дел од европската коалиција, Петковски рече: „Поради она што се случуваше во последните неколку месеци, кога требаше сериозно да се зборува за иднината на државата. Поради она што се случуваше во Собранието, особено пред и околу Самитот во Букурешт и по него. Постоеше опасност и јас и НСДП да го изгубиме достоинството, а не треба да го дозволиме тоа. Значи, имаше колебање, имаше страв. Наместо храбра одлука, практично се молчеше, затоа и влегов во ’Сонце‘, за да докажеме дека во Македонија има граѓани и политика што е подготвена брзо да реагира, да размислува, да донесува храбри одлуки независно од сопствениот рејтинг и политичкиот идентитет“.

Лидерот на ЛДП, Јован Манасиевски, порача дека „на 1 јуни граѓаните ќе треба да избираат меѓу интеграција и изолација на Македонија, меѓу модернизација или кичестиот конзервативизам кој моментно, за жал, е на сцена“. Тој нагласи дека Македонија мора многу брзо да се модернизира. „Токму НАТО и ЕУ се најбезболната и најбрза можност за ефикасна и брза модернизација на нашата држава. Коалицијата ’Сонце‘ ќе говори за модернизација и побрза интеграција, наспроти спротивната страна, која ќе говори за патриотизам“, нагласи Манасиевски.

Претседателот на ЛП, Стојан Андов, рече дека Македонија во последните месеци доби тешки удари и станува осамена и изолирана земја. „На овие избори ќе се одлучува дали ќе се определиме за безбедна држава и извесна судбина или за патриотизам и за патриоти кои се подготвени да ја жртвуваат Македонија. Нема перспектива за државата ако таа е надвор од НАТО и од ЕУ“, порача Андов.


Пак сакат да лажат Европа и света македунските сърбофили!

Редактирано от VETO на 03.05.08 20:27.



Цялата тема
ТемаАвторПубликувано
* „Сонце - коалиција за Европа“ VETO   03.05.08 20:25
. * Re: „Сонце - коалиција за Европа“ kyмaнич   03.05.08 21:51
. * Re: 4S - коалиция за Сърбия kyмaнич   04.05.08 16:26
. * Re: 4S - коалиция за Сърбия falkenbach   05.05.08 13:19
. * Борбата е безмилостно жестока ... Илijцъ   07.05.08 10:27
Клуб :  


Clubs.dir.bg е форум за дискусии. Dir.bg не носи отговорност за съдържанието и достоверността на публикуваните в дискусиите материали.

Никаква част от съдържанието на тази страница не може да бъде репродуцирана, записвана или предавана под каквато и да е форма или по какъвто и да е повод без писменото съгласие на Dir.bg
За Забележки, коментари и предложения ползвайте формата за Обратна връзка | Мобилна версия | Потребителско споразумение
© 2006-2020 Dir.bg Всички права запазени.