НОВ СЛУЧАЈ НА ПОЛОВ НАПАД НА ДЕТЕ / Политика, Свят / Македония

Платил 500 денари на девојче да го пипка по половиот орган

Статистиката покажува дека минатата година биле регистрирани 53 кривични дела полов напад врз дете, а овие дела, сторителите ги вршеле со измама. Најчести жртви биле девојчиња

Дванаесетгодишно девојче од Тетово, било присилено сексуално да задоволи непознат човек кој ја киднапирал од пред домот и ја однел во тетовско село. Во тетовската полиција завчера случајот го пријавил таткото на девојчето, откако по неколку часа неговата малолетна ќерка се вратила дома и му раскажала што доживеала.

Според тетовската полиција тетовецот А.К. (30) завчера пријавил дека врз неговата малолетна ќерка бил извршен полов напад од непознат сторител. При информативниот разговор родителот раскажал што слушнал од својата ќерка. Имено, истиот ден во раните утрински часови девојчето излегло од дома. На улицата "29 ноември" во Тетово, во близина на продавница за автоделови "Рено", ја застанал непознат човек, кој излегол од непозната марка автомобил. На девојчето му дал десет денари и ја повикал да влезе во неговата кола да се повозат низ градот. Откако малолетничката влегла во автомобилот, непознатиот се упатил кон тетовското село Вратница.

Кога стигнале во селото, човекот го паркирал возилото на непрометна уличка и влегле во некоја куќа. Му наредил на девојчето да се соблече голо. Откако го послушала и дал 500 денари па и тој се соблекол. Легнал на креветот во собата и и наредил на малолетничката да легне до него. Веднаш потоа и рекол дека за парите што и ги дал требало да го пипка и гали по половиот орган. Девојчето го одбило па непознатиот и удрил две шлаканици. Плачот на детето најверојатно го натерало човекот да се откаже од монструозната намера. Неколку часа подоцна, односно околу 12 часот го вратил девојчето на истото место од каде што го земал.

Детето си заминало дома и се им раскажало на домашните.
По пријавата на случајот, девојчето веднаш било однесено на лекарски преглед во Медицинскиот центар во Тетово, каде било констатирано дека нема траги на насилство и на сексуален однос. Полицијата трага по непознатиот напаѓач.

Статистиката на полицијата покажува дека минатата година биле регистрирани 145 кривични дела против половата слобода и половиот морал, од кои најбројни биле кривичните дела полов напад врз дете и тоа 53 регистрирани случаи. Овие дела, сторителите ги вршеле со измама и оштетените ги принудувале на полови дејствија. Најчести жртви биле девојчиња. Според бројноста следат кривичните дела силување, каде биле регистрирани 42 случи и обљуба врз немоќно лице во 21 случај. Овие грозоморни дела биле извршени со употреба на физичка сила и сериозни закани, како и со искористување на немоќта на жртвите.

Статијата е прочитана 1550 пати.