Притвор за четворица силувачи


Четворицата силувачи на двете малолетни штипјанки од викендов се во 30-дневен притвор. Од обвинителството велат дека допрва ќе видат што ќе можат да докажат во постапката, иако потврдуваат дека девојчињата биле силувани.

Не откривајќи повеќе детали за чинот на групното силување на двете малолетни штипјанки од страна на четворица нивни сограѓани извори од полицијата велат дека се започнало со најобична покана за дружење.

Се започнало на паркингот кај градскиот пазар.
Во средата 38-годишниот Б.С. и уште тројца 19-годишни момчиња ги пресретнале девојките кај градскиот пазар во Штип, кога тие се враќале од училиште. Не сомневајќи се во задните намери на веселото друштво, 17 и 18-годишните девојчиња влегле во "форд фиеста" управуван од најстариот извршител на грозоморниот чин. Од полицијата велат дека девојчињата претходно се познавале со двајца од силувачите.

Едно од девојчињата пружило посилен отпор, поради што добила и ќотек. Откако ја истепале, ја ставиле и неа во автомобилот и ги однеле во недовршена куќа на градската периферија, познат како реон Мирјанина црква.

Таму цели пет часа четворицата штипјани ги малтретирале девојчињата, им удирале шлаканици и ги принудувале на сексуални односи. Полицијата вчера ги приведе силувачите, а против нив во Основниот суд во Штип, веќе се водат неколку постапки за разбојништво.