ПРОВОКАТИВНА КНИГА НА ГРУПА БУГАРСКИ АВТОРИ
Бугарија крои нова анти-македонска стратегија
Игор Чавески

Бугарија продолжува со антимакедонска кампања и со негирање на македонската нација, јазик и култура. Во најновата книга изработена од група интелектуалци од Бугарската академија на науки, наречена „Бугарската политика кон Република Македонија“, се бара Бугарите да влезат во преамбулата на македонскиот устав и стриктно да се почитува декларацијата помеѓу двете земји од 1999 година потпишана од тогашниот македонски премиер Љубчо Ѓеоргиевски, во која стои дека Бугарија го задржува правото да се грижи за Бугарите во Македонија, додека грижата за македонското малцинство во Бугарија е забрането. Меѓу потписниците на книгата се наоѓаат и неколку пратеници на бугарскиот парламент, советникот на претседателот Прванов, Божидар Димитров, првиот бугарски амбасадор во Македонија, Ангел Димитров, како и потпретседателот на Бугарската академија на науки, Константин Ќосев. Тие бараат Бугарија да ја заостри политиката кон Македонија и да се престане да се толерира, според нив, некоректниот однос кон бугарската држава. Тие тврдат дека Македонија ја злоупотребила безусловната поддршка што ја има од Бугарија со континуирана антибугарска пропаганда. „Ако поранешното наше молчење и имаше некакво објаснување, сега кога добрососедската политика на секоја држава е основен критериум за зачленување во НАТО и во Европската унија, секое наше премолчување може да се третира како легитимирање на политиката на една земја која се почитува себеси, но не ги почитува добрососедските односи“, се вели во книгата. Бугарските интелектуалци и понатаму ги пласираат тезите дека македонската нација и македонската држава се производ на српската политика, поддржани со решение на Коминтерната од 1934 година. Од Министерството за надворешни работи велат дека оваа книга не е ништо ново во политиката на одредени бугарски кругови спрема Македонија, но велат дека засега нема да реагираат на оваа, најнова провокација од бугарска страна. - Жалиме што се повторуваат некои и порано истакнати тези во квазинаучни трудови, но тоа секако не може да се нотира како став на Бугарија кон нашата држава. Ова, секако, не оди во прилог на добрососедските односи, особено во овој чувствителен период за Македонија - велат од МНР. Во книгата се наведува дека името Република Македонија создаде дополнителни проблеми во употребата на името „Македонија“ и во другите делови на географскиот регион со исто име во Грција и во Бугарија.

Съдържаниет е скрито
Влезте за да го видите

Съдържаниет е скрито
Влезте за да го видите

Съдържаниет е скрито
Влезте за да го видите