|
Измислиците на бугарската пропаганда
Дејан Крстев, Неготино
(Реакција по повод т.н. Тиквешко востание)
Пред нас е денот на Илинденското востание. Како граѓани на Тиквешијата огорчени сме од зачестените пробугарски фалсификати и инсинуации за едно друго - т.н. Тиквешко востание. Бугарските пропаганди плукаат дека ова „востание” ни се криело од наводниот бугарски карактер (?!). Овие очајни потреби да се превртува историјата на македонскиот народ кај нас се од осамени дежурни бугарски душегрижници, очигледно поддржани од високи политичари.
Господо, нашите предци беа присутни во тиквешките настани од 1913 година, но и во други, за кои мудро ги премолчувате. Ни зачувале бројни сведоштва - за почеток читнете во „Тиквешки кажувања“ ( 1912-1918) и „Неготино во пламен ( 1912-1913 год.)” од професорите Пане Емшов и Киро Андонов, кои своевремено од преживеани сведоци на 1913 год., запишаа автентични сведоштва на македонскиот народ од Тиквешијата . Со што мавтаат пробугарските слуги за т.н. Тиквешко востание од 1913 ? Тргнувајќи од „рибарската” - во матна вода најдобро се лови, дотураат кал, секакви произволности на умствена гимнастика и произволни заклучоци, за на крајот да помислиме дека Тиквешани се кренале за „блгарска кауза ”(?!). На рака им оди и што во Титова Југославија не се чепкаше по овие настани, се смалуваа српските ѕверства од 1913 год. ( се зголемуваа оние од Јаја-ага), а се' заради „братството и единството”. Но, со што за ова „востание” по којзнае кој пат кутрите, испаѓаат смешни?
Прво, ниту нашите предци од Тиквешијата, сведоци на тие денови, ниту било каков документ, се спомнува некакво востание против Србите, а во полза на Бугарите ?! Она што го кажуваат нашите е дека во анархијата по поразот на Турција, првично се ликвидираше муслиманското население од страна на Србите, Бугарите (подоцна), но и од некои Македонци од Тиквешијата, кои пак се подбуцнувани да ги расчистуваат долговите со довчерашните зулумќари. Второ, она што го премолчуваат господата е дека во наводниот центар на востанието - Ваташа, претходно во ноември 1912 год. се случи нешто друго. Водачот на наводното востание против Србите од јуни 1913 година, војводата Дончо Лазов Сајтариов, на 9 ноември 1912 година , со чета од шеесетина селани, токму со српските војници тргна да ликвидира Турци и Бошњаци. Трето - Србите во Кавадарци се од 8 ноември 1912 година(Митровден). Како сега војводата Дончо, кој „братски” со Србите убиваше Турци и муслимани, востанал против Србите ?! Каде ги нападнал , нека кажат барем една „востаничка” битка со која ќе поразеа толкави српски единици, и ќе ги ослободеа Кавадарци и Неготино и се' за љубов на „Болгарите” ?! Четврто, во моментот кога се говори за востание се' уште е сосема нејасно, особено за обичниот народ, бидејќи фронтовите се допирале и меркале кој дел од Македонија кому ќе му припаднел! Доказ за тоа се случувањата потоа. И токму тој период на анархија во Тиквешијата, кога оружје од убиените турски војници има секаде ( и на станицата во Криволак, од војските), па селаните носат и по куќите пушки, „благонадежниве” го прогласуваат тоа за востание?!
=========================================================
Makedonskiot istoricar vo istiot vesnik pisuva vaka:
Инаку, за време на Тиквешкото востание Неготино било ослободено на 22 јуни 1913 година. Христо Чернопеев, еден од војводите кој учествувал во нападот на градот во својот дневник пишува дека уште на 19 јуни од началникот на Штабот на Втората бугарска бригада добил наредба со четите да тргнат кон Неготино. По неколкудневните судири, во кои учествувале и стотина вооружени неготински момчиња, заедно со четите на Петар Христов, Петар Чаулев, Милан Матов и М. Ѓурлуков бил заземен градот. Тогаш целото население на чело со свештениците и учителите излегло да ги пречекаат.
Радоста траела кратко. Четите на ВМОРО, по наредба од нивната централа во Софија, се повлекле и немоќното население го оставиле на крвожедниот башибозук и српските чети. Река бегалци тргнале во непознато, а тие што останале биле масакрирани. Според дневникот на свештеникот Димитрија Ѓорѓиев, статистиката што ја водел Кирил Прличев и ракописот на Никола Киров – Мајски, тогаш Неготино имало 480 жртви. Била запалена целата чаршија, при што изгореле 300 дуќани и 25О куќи.
Податоци за жртвите изнесува и Ангел Петров, кој како началник на обезбедувањето на Првата бугарска армија за време на Првата светска војна извршил анкета за ѕверствата. Според него, вкупно во целата Неготинска општина биле убиени 350 луѓе, а само во Неготино 115 , не земајќи ги притоа предвид и загинатите во балканските војни.
Бабата на Страшо Пинџур херој на востанието
Во Тиквешкото востание значајна е улогата на семејството на македонскиот народен херој Страшо Пинџур. Неговиот татко Димитар Пинџуров бил помошник- војвода, а бабата Наца Арсова-Пинџурова, првата жена-членка на Револуционерната организација на Тиквешијата. По востанието, таа била подложена на страшни маки за да каже каде се наоѓа синот Димитар. „Со своите соработници, сите од негова сорта, Ќазим-бег со целата жестокост се нафрлил врз беспомошната жена, врзувајќи и' ги рацете и влечејќи ја за коса, тепајќи ја по целото тело за да извлече признание од неа. Подложена на страшни измачувања кои се граничеле со средновековните инквизаторски мерки, Наца Пинџурова без да пушти глас само одвреме-навреме ќе ги отворела очите, не можејќи да сфати што и' се случува. Откако малку ќе се созела на прашањето на Ќазим-бег: „Каде ти е синот“, таа ќе го погледнела и мајчински ќе му одговорила: „А бре синко, јас не знам каде е, па и да знам, и' прилега ли на мајка да си го предаде синот на душмани “, пишува Петре Камчевски.
Откако виделе дека од неа неможат да излечат ништо , српскиот мајор Ѓуровиќ, кој учествувал во измачувањата, побарал да му дадат нагорено железо со што и ги гореле и стапалата. „Откако нејзиното изнемоштено тело се срушило од силните болки, мајорот наредил да се престане со измачувањето мислејќи дека е веќе мртва. Нејзините комшии притрчале и ја внеле во куќата. Било потребно многу време за да се излекува Наца Пинџурова“, пишува Камчевски.
=======================================================
Demek se gleda koj gi cinel pogolemite zulumi i protiv kogo, ili ?
Da bides denes bugarin vo R. Makedonija e prasanje na intelektualen predizvik. Редактирано от Jovan Damaskin на 05.08.07 12:24.
|
Zajazhdane po poreden pat !
