|
Трети протести за осудените на доживотен затвор
Група од околу 300 роднини и пријатели на осудените Нехат Сулејман и Суат Јусуф, и вчера веќе по трет пат бараа судот да ја преиспита одлуката, а доколку тоа не биде сторено не гарантираат дека наредните протести ќе бидат мирни
Група од најмалку 300 роднини и пријатели на осудените Нехат Сулејман и Суат Јусуф, вчера по трет пат протестираа и бараа судот да ја преиспита одлуката, а доколку тоа не биде сторено не гарантираат дека наредните протести ќе бидат мирни.
Министерството за правда и Судот да ја поправат грешката, а ако не се стави крај на националната дискриминација, ќе организираме протест во поинаква форма и начин, велат роднини на Нехат Сулејмани и на Суад Јусуф, осудени на доживотен затвор.
Тие носеа транспаренти на кои пишуваше "Сакаме правда" и "Стоп за националната дискриминација", а организаторите со разглас ја тераа толпата да извикува "Правда, правда!". Роднините тврдеа дека одлуката е политичка и извикуваа: "Сакаме правда. Во Македонија живееме и тука ќе умремее - извикуваа тие.
Протестите започнаа околу 15 часот пред Трговскиот центар Чаирчанка, а околу 15,30 часот групата стаса пред скопските судови. До затварање на весникот толпата беше пред скопските судови, а според најавите протестите требаат да продолжат пред Собранието на РМ.
Протестот е организиран од роднини и пријатели на скопјаните Нехат Сулејмани (23) и Суад Јусуф (34), кои во пред скоро две недели беа осудени на доживотна робија за двојно убиство извршено заради крвна одмазда, вчера продолжи по трет пат пред скопскиот Основен суд 1. Во исто време во истражниот затвор "Скопје" Јусуф и Сулејмани веќе неколку дена штрајкуваат со глад. Учесниците во протестот бараа слобода за Јусуф и Сулејмани, кои добија максимална затворска казна за ланското убиство на раскрсница во Влае, каде што со автоматско оружје беа изрешетани Бранко Ивановски (50) и Љупчо Атанасовски (47), а нивните сопруги Светлана и Сунца беа тешко ранети. Ивановски во април 2006 година со пиштол го уби скопјанецот Џелал Сулејмани, а тешко го рани Реџеп Сулејмани (49), роднини на Нехат. Тогаш Ивановски ги бранеше жената и ќерката по кавга за место на паркинг во скопската населба Топанско Поле. Ивановски сам и се предаде на полицијата, а беше осуден на две и пол години затвор. Три дена пред да биде убиен, Атанасовски мажел ќерка, а Бранко го пуштиле од затвор за да оди на свадбата. На денот на убиството Ивановски и Атанасовски, со сопругите Светлана и Сунца, се враќале од семејната веселба.
Протестот почна околу 15 часот пред Трговскиот центар Чаирчанка, а продолжи пред раскрсницата кај ТЦ Мавровка. Околу час и половина беа блокирани улиците кај Судска палата, а откако роднините ќе го прочитаат соопштението на албански јазик, како што беше најавено мирно требаше да се упатат кон Собранието.
Над 100-тина полицајци се грижеа за безбедноста
За разлика од првите протести, вчерашните поминаа мирно и без инциденти во налик на последните.
Повеќе од стотина униформирани полицајци и уште толку специјалци, најпрвин со придружба ги испратија вработените од судовите надвор од работните места. Тие не дозволија да се повтори петочниот инцидент, кога беше претепан скопјанец, а беа демолирани три автобуси на ЈСП и запалени неколку контејнери.
За да се спречат нередите, полицијата постави метални огради и не дозволи учесниците во протестот да се доближат до зградата на Судот. Комплетно целата толпа беше контролирана од сините да не дојде до нарушување на јавната безбедност по скопските улици.
Протести со политичка позадина
Присобраната толпа од луѓе што вчера по трет пат протестираа беа вооружени со голем број политички пароли, меѓу кои највпечатливи беа "Груевски, освести се" и "Сакаме правда".
"Дел од организаторите на протестот изразија желба да се сретнат со претставниците на политичките партии во парламентот, па поради тоа им излеговме во пресрет и им обезбедивме средба со пратениците од нашата партија", скоро изјави во медиумите Изет Меџити, градоначалникот на општината Чаир. Тој во протестите не гледа никаква политичка заднина и тврди дека нивно единствено барање било само да им се даде можност да се слушнат нивните барања.
Меџити не сака да ја коментира судската одлука, но како градоначалник на Чаир е загрижен протестите да минат во мирна атмосфера. Од ДПА негираат дека учесниците во протестот барале средба со претставници на сите политички партии. Добро упатените соговорници објаснуват дека протестите со кои се искористуваат членовите на засегнатите семејства, имаа комплетно друга позадина. Нашите соговорници објаснуваат дека сето е дел на политичка игра на најголемата албанска опозициона партија.
==========================================================
Tova malko me podseti na naj-kasija vic ot vremeto na Soca....
Abe.... Adeee !
Samo che v makedonskija mu varijant ne se znae koje policaja i koj potrpevsija (ochevidno rolite sa razmeneni)...
==========================================================
Da bides denes bugarin vo R. Makedonija e prasanje na intelektualen predizvik.
|
Makedonsko i albansko pravosudie
