|
|
| Тема |
 „Катар петролеум“ гради бензински пумпи во Македон |
|
| Автор |
Faktor-X (непознат
) |
|
| Публикувано | 09.05.07 15:26 |
|
|
|
„Катар петролеум“ сака да гради бензински пумпи во Македонија
Бизнисмени од Блискиот Исток се заинтересирани за влез во нафтениот бизнис во Македонија. Сакаат да градат бензински пумпи во земјава. Тимови на катарската компанија „Катар петролеум“ веќе и ја презентираа својата намера на Владата.
Денеска шеиците од пребогатиот со нафта Катар ги скенираа можностите во Скопје, разгледуваа локации во населбите Автокоманда, Ново Лисиче, Ѓорче Петров и во Карпош, кај новата спортска сала.
Потрагата по локации ќе ја продолжат и во наредните денови. Пикирани се повеќе градови од источна и западна Македонија.
Во денешната бизнис прошетка менаџерите на „Катар петролеум“, според информации на А1, се сретнаа и со претставници на рафинеријата „ОКТА“, за да видат дали постои можност за соработка.
Ги интересирало дали за нив е поисплатливо „ОКТА“ да им ја преработува нафтата или да носат готови деривати директно од катарски рафинерии.
Шеиците од Катар, освен бензински пумпи, имале намера да го шират бизнисот и во земјава да направат регионално нафтено депо, од каде со нафта би се снабдувале и земјите од целиот регион.
Компанијата „Катар петролеум“ со нафтениот бизнис е присутна само во арапските земји.
| |
| |
| 
|
|
