|
|
| Тема |
 Србите, Хрватите и сите други се еден народ", |
|
| Автор |
itar (минаващ) |
|
| Публикувано | 15.01.07 05:18 |
|
|
|
Проф. др. Wolf Oschlies тврди дека "Србите, Хрватите и сите други (на Балканот, з.н.) се еден народ", на што остро реагираа хрватските лингвисти
Во Евроазискиот магазин, германски политичко-културен месечник, проф. др. Wolf Oschlies, стручен соработник во Германскиот институт за меѓународна политика и безбедност, објави текст под наслов: "Балканските јазици во ЕУ". Тој нагласува дека е "време за поблиско запознавање со српскиот, бугарскиот, романскиот, македонскиот, словенечкиот и хрватскиот, доколку тој јазик и воопшто го има". Според др. Осцхлиес, ни Србите, ни Хрватите не се народи, нации, туку "измислени" етнолингвистички групи на Балканот, пишува хрватскиот "Вечерњи лист". "Србите, Хрватите и сите други се еден народ", тврди професорот. Тој потсетува и на Бечкиот книжевен договор од 1850 година кој, според него, потврдува дека Србите и Хрватите имаат единствен книжевен и стандарден јазик.
"Најугледен јазичен стручњак од тоа подрачје на Балканот е Вук Стефановиќ Караџиќ", смета германскиот балканолог за кого хрватскиот јазик е целосна бесмислица. "Идиотизам е српскохрватскиот јазик да се дели на српски и хрватски", вели тој. За таа поделба, според него, одговорни се Хрватите кои се "чувствувале загрозени од великосрпскиот агресор", односно хрватските фашисти кои таа промена ја извршиле во 1941 година. "Во почетокот, во Југославија тој јазичен национализам немал никаква шанса, но Декларацијата за името и положбата на хрватскиот книжевен јазик од 1967 година го предизвикала тој процес и провокации.
Хрватските лингвисти остро реагираа на ваквите тврдења. Санда Хам, професор на Филозофскиот факултет во Осиек и главен уредник на часописот "Јазик", коментирајќи го написот "Балканските јазици во ЕУ" изјави дека е напишан на ниско културно ниво, ненаучно и без аргументи. "Да се прогласи за хрватски идиотизам легитимната волја и право на Хрватите својот јазик да го нарекуваат со вистинското име и да се става знак на еднаквост меѓу националната, државна, културна и јазична различност меѓу балканските народи навистина е ниво на кое не може да се расправа", вели таа. "Од 1604 до 1850 година Хрватите имаат напишано 17 граматики на хрватскиот јазик со штокавска книжевно-јазична стилизација и девет кајкавски, што значи станува збор за 26 наслови на автори, а ниту еден од нив не е српски", наведува професорката Хам.
| |
| |
|
Србите, Хрватите и сите други се еден народ",
|
itar
| 15.01.07 05:18 |
Re: Србите, Хрватите и сите други се еден народ",
| Блaryн
| 15.01.07 11:39 |
|
Re: Србите, Хрватите и сите други се еден народ",
| obekt
| 15.01.07 17:20 |
|
Re: Србите, Хрватите и сите други се еден народ",
| BGVlach
| 15.01.07 17:44 |
|
Re: Србите, Хрватите и сите други се еден народ",
| Makedonec
| 15.01.07 18:29 |
|
Re: Србите, Хрватите и сите други се еден народ",
| koмитa
| 15.01.07 22:50 |
|
| 
|
|
